يوم القيامة

شارع زمان ... كان امان ... وكل ناسوا طيبين
دلوقتى لية شارع الزمان ... كل اللى ماشى فية حزين

قولوا على الدنيا خلاص يلا السلامة
اقفلوا شارع الحياة بعينيكوا شوفوا علامات يوم القيامة


ام ماشية بتصرخ ابنى .. فين يا ناس ردوا عليا
اتخطف من بين ايديا ... كل دة فى لمح البصر
ولما على صوتها و وصل ... للفوق بقت قضية
قالولها ابنك راح ضحية ... لناس ديابة مش بشر
سرقوا دمة ولحمة منة .. تاجروا فية ولا راعوا سنة
عقلها سمع الكلام ... الذهول والرعب جنوا
احنا فين احنى فين .... احنا فين يا بنى ادمين
احنا فقدنا ادميتنا ... ولا بقينا فى غابة عايشين


اتنين الرحمة ماتت فيهم .... كل شر الدنيا مليهم
شافوا طفلة صغيرة فى الشارع .... ماشية حليت فى عينيهم
خدوا منها اعز ما تملك .... لا رحموا براءة ولا طفولة
اهلها قلبوا الدنيا عليها ..... لما لاقوها ..لاقوها مقتولة

احنا فين احنى فين .... احنا فين يا بنى ادمين
احنا فقدنا ادميتنا ... ولا بقينا فى غابة عايشين


ناس بتموت فى الروح بتطلع .... على باب المستشفى بترجع
تصرخ وتقول فين الرحمة.... يقولوا موجودة للى بيدفع
للدرجة دى القرش قتلنا ... موت احساسنا ببعضينا
وبقينا نتاجر فى الامنا... استرها يارب والطف بينا

احنا فين احنى فين .... احنا فين يا بنى ادمين
احنا فقدنا ادميتنا ... ولا بقينا فى غابة عايشين