تفتكروا ايه المطلوب لو البنت هي اللي هاتدفع المهر؟

السلام عليكم ورحمه الله وبركاته
الحقيقه انا قريت الفكره دي علي منتدي تاني وحبيت اخد ارائكم طبعا من المعروف ان الشاب هو اللي بيدفع المهر وبيجهز الشقه وكل الحاجات التقيله دي عشان يتم الزواج السعيد وساعات اهل البنت مابتقدرش المسؤليه الكبيره اللي الشاب شايلها وبيطلبو ويتشرطو طبعا ده من حقهم بس المفروض ان في حدود لظروف الشباب اليومين دول ومن المفروض اننا نراعي ظروف بعض ماعلينا
ايه بقي اللي ممكن يحصل لو العكس هو اللي كان موجود يعني البنت هي اللي هاتدفع المهر وتجهز الشقه والجهاز وكل مستلزمات الزواج
ايها الشاب كم تطلب مهرك من الفتاه التي اخترتها لتكون شريكه لحياتك؟
وانتي ايها الفتاه كم تدفعين لشريك حياتك؟
مستنيه اشوف طلبات الشباب الجامده وايه اراء البنات هاتدفع ولا؟؟؟؟

عمرى ما اقبل انها تدفعلى طبعا ولا تجهز الشقة لانى لازم اكونلها بيتها من الابرة للصاروخ ان شاء الله
بس لو لزم الامر مهرى هيكون صعب اوووووووى وغالى اووووووووى
وهو اخلاصها ليا وحبها الصادق وقبل الاتنين دول تدينها طبعا

ايه الرد اللي يكسف ده ياريت كل الناس كده والله وان شاء الله تلاقي البنت اللي عندها قيمه المهر ده ياذكي

انا برفض الفكره لان مش المفروض البنت هى اللى
تقدم المهر مش عشان حاجه لا عشان المفروض ان الزوج هو
اللى يتحمل المسئوليه وهو اللى يحتوى مراته ويحققلها اللى تحتاجه
لان الرجل هو الامان بالنسبه للست وهو الحمايه فعمر ما هتحس انه
راجلها وكده لو هى اللى تدفع المهر ليه مينفعش
بس طبعا اهم من المهر والجهاز وكل ده الراجل ذات نفسه لازم يكون متدين
عشان يحافظ عليها ويكون عنده اخلاق ويعرف ازاى يحترم مراته وحاجات كتير اوى

ميرسى ليكى على التوبك الحلو اوى ده