يومياتى....تانى يوم

العزاء
على الولاء
ياعم المصرى عايش فى وباء
ومش لاقى الدواء
وبعدين اتكلموا عن الانتماء
ياعم ارحموا من فى الارض
يرحمكم من فى السماء
الله يكون فى عونك يامصرى
طول النهار شغال
ومش لاقى تجيب اكل العيال
من زمان على دا الحال
شايل هموم تهد جبال
وبيقولوا عليك شاطر
عايش فى وسط المخاطر
بيعافر مع الاكابر
بياكل اللى فايض منهم
وحامد وشاكر
واللى يفتح بقه منهم
تضربه بالجزمه العساكر
برافو عليك يامصرى
حافظ ومذاكر
امشى جنبى الحيط
واعمل عبيط
وكل فول وطعميه
وغمض عينيك عن الحراميه
وكل شويه قول تحيا مصر العربيه
تيقى راجل عصرى
هيغنوا لك اغنيه
يبقى انت اكيدالمصرى
وماتكلمش عن الديمقراطيه
وقول انا عايش ازهى عصور الحريه
تعيشى يامصر
وعاش اللى جاب لمصر النصر