ياعم امسك اديها وريحنا بقى

*****************
وهما اصدقاء

أنت ليه مش بتمسك إيدي وإحنا ماشيين في الشارع؟ "
"لأ بلاش...افرضي حد من قرايبك شافنا؟ ولا حد من صحاب أخوكي في الكلية؟ إن شاء الله يا حبيبتي بكره نتخطب وامسك إيديكي ادام الدنيا كلها ".

******************

وهما مخطوبين

"أنت ليه مش بتمسك إيدي وإحنا ماشيين في الشارع؟"
"علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين
بصراحة كده أنا مستحرم...إن شاء الله بكره نتجوز وامسك إيدك وإنتي مراتي
حبيبتي في الحلال".

******************

وهما متزوجين

"أنت ليه مش بتمسك إيدي وإحنا ماشيين في الشارع؟"
"يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين
متجوزين ومحترمين وعندنا بيت نعمل فيه اللي عاوزين نعمله"..

******************

لما خلفوا اولاد

" أنت ليه مش بتمسك إيدي وإحنا ماشيين في الشارع؟"
"يعني امسك إيدك والا امسك إيد البنت والا اشيل الأكياس دي كلها؟!"

******************

فات على الجواز 25 سنة ( ال يعنى لسة متجوزين )

"أنت ليه مش بتمسك إيدي وإحنا ماشيين في الشارع؟"
"إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا
وخرفنا؟!"

يا عم امسك ايديها وريح الجمجمة علشان هتصدعك

ههههههههههههههههههههههههههههههههههههههههههههههههههههه
بجد تحفة والله يامصطفى بس برضو حاسة ان التوبيك ده في اضطهاد للمراة يعني هتموت لو ما مسكتش ايديه على ايه انا مش فاهمة هههههههههههههههههههههههه بس بجد توبيك هااااااااااااايل

هو اانا دايما مضطهد ومتهم انى ضد المراه ماشى يا ساره
وشكرا ليكى يا سوسو

ههههههههههههههههههههههههههههههههههه
روعة وجميل جدا
بس هو عنه حق الامراض منتشرة دلوقتي

شكرا لردك ومرورك يا زمن الصمت وانشاء الله لا