صفات البنات فى مصر ومش عايز حد يضرب !!!!!!1قولت مش عايز حد يضرب

موضوعى انهارده عن صفات البنات المصريات

وربنا يسترها يا رب ويعدى اليوم ده على خير
علشان انا حاسس ان الموضوع ده بعده وقف

الصفه الاولى

اللسان

البنت المصريه ربنا واخد منها كل حاجه ومديها لسان زى الحربايه_ والعياز بالله_

لو فكرت انك تتريق على واحده اكيد مش هتسلم من لدغته _ يلا تستاهل_
وخاصه لو كانت عامله التحجيبه سبانش _ احذر من دول _

الصفه التانيه

التناكه

البت من دول تلاقيها مناخيرها فى السما _ على ايه يعنى _
ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها

تلاقى عرق التناكه نقح عليها وفاكراك عاوز تكلمها على اساس ان خلاص يعنى مفيش غيرها فى الدنيا
وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى مبتغيرش مكانها اصلا

يا دوب بس تحسسك ان فى كائن جنبك
تعالى بئى فى كليات العملى زى الطب والهندسه والصيدله
لو اضطريت انك تكلم واحده زميلتك فلازم تجهز مليون سبب مقنع لسايدتها علشان متتنكش عليك طبعا
هتبدأ بئى تسألها عن محاضرا وكلام فارغ وهى هتستهبل وتعمل انها مصدقه
_ال يعنى مفيش طلبه غيرها فى الدفعه _

ناس تنرفز والله يا اخى

الصفه التالته
الشياكه

الشهاده لله يعنى البنات دلوئتى بيهتمو بنفسهم اوى

يعنى لو تفتكر فى اول سنه فى الكليه البنت بتدخل وكأنها هتشوف عريسها

السنه دى وفى اول رمضان مع بدايه الدراسه قابلت واحده عندنا اعرفها

اسألها ياخويا رايحه فين قالتلى رايحه اشترى ميكب

يا حاجه داحنا فى رمضان

بس بكره الكليه

اه اذا كان كدا معلش

طبعا كلكو فاكرين القصه بتاعه الست اللى كانت كل يوم تصحى تلاقى وشها غرقان ميه :
بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه

يعنى ممكن لو لاقدر الله اتجوزت تدخل تلاقى مراتك شبه البنى آدمين عادى يعنى مش هتلاقى اريال طالع من دماغها ولا ريحه البصل مبهدله الدنيا

يمكن يا عم متتشائمش :

الصفه الرابعه

احتقار الرجل

متفهمش يا اخى الستات والبنات بيحتقرو الرجاله كدا متفهمش ليه

على اساس يعنى انهم ولاد ناس وحنا ولاد .......................

ناس تانين ؟

بس العرق الفرعونى نقح عليا فى الايام اللى فاتت وافتكرت السبب

فى راجل رحاله من زمان اوى لاحظ سلوك الستات ده وارجعه لوقعه تاريخيه معروفه اوى
وهى حادثه خروج فرعون لمقابله سيدنا موسى
خرج فرعون مع ساده مصر فى وقتها
ومفضلش فى البيوت غير الستات والعبيد
وبعد هلاك فرعون واللى معاه بطبيعه الحال الستات اتجوزو من عبيدهم

وهوده السر فاكرينا عبيد عندهم حضاراتهم :

الصفه الخامسه

الاجتماعيه

البنت المصريه اجتماعيه بدرجه جيد جدا

فى ثانيه كدا تلاقيها رمت ودنها فى اى حوار ومتسيبوش الا ما تجيب اخره

وطبعا بأجتماعيتها دى بتعرف تجيب اطراف الموضوع من كل الناس

ههههههههههه
الكلام دة كبير جدا
واحنا مش لازم نسكت علية
ولا اية يابنات المنتدى

ليه كده ياسلمى انتى عارفه انتى اه بالنسبه ليا مش معقوله تسخنى النات عليا كده

كلامك صح

على اساس بقى ان انتو اللى ملايكة
والله انتو سبب المشاكل كلها

انا بعرض الحقائق بس يامنيه ملايش دعوه بالاولاد دول غلابه وياريت الكل يبقى زى الاولاد
دول زى الشيطاين احثوا عن اى مشاكل لازم تلاقى سببها اولاد

هههههههههههههههههههه

اولا انا عايزة اقولك ان الموضوع حلو جدا

ثانيا بقى

انا مش عارفة انت حاطط البنات فى دماغك ليه بس

بجد موضوع حلو وغريب في نفس الوقت
و لتانى مره
نوووووووووووووووووو كومنت
هههههههههههههههههههههههههههههههههههههههه
ايه ده!!!!!!!!!!!!!!!!!!!!!!!!!!
كل ده شيله لوحدك

مع انى بنوته بس انا معاك فى ان كلامك صح

بس ده نوع من البنات مش معنى كدا ان البنات كلها كداا يعنى .. بس

وخليكوا يا بنات واثقين فى نفسكم وسيبكم من اى كلام

ههههههههههههههههههههههه
موضوعك لذيذ ودمه خفيف بس مش معنى كدة اني معاك اه في بنات كتير كدة بس طبعا مش كلهم ولا اييييييييييييه؟

ههههههههههههههههههههههه
كالعاده يا مصطفى متألقه فى وصف البنات
توبيك جميل ورائع
بس نرجع ونقول مش كلهم ناس وناس Smile

اكيد يا جماعه انى مش كل البنات كده وفيه عدد كبير مش كده طبعا واكيد كل اعضاء الفراعنه مش بالمواصفات ده
ههههههههههههههههههههههههههههههه
مش هزار
وشكرا لكل اللى ردوا على التوبيك
بس عايز اعرف ليه دايما يا سهام الفيروز تكتبى لا تعليق

اولا التوبك حلو اوى يا مصطفى

وكمان انتوا كمان فيكوا صفات برضو

وكمان هتلاقيها اكتر منا بكتير

وزى ما بتقولوا مش كل البنات فى بنات تانيه كويسه جدااااااااااااا

صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اكيد صح جدا كمان
وعايز اقولكم كلكم
لكل قاعده شواذ
فأكيد مش كل البنات كده ولا كل الولاد وحشه
وشكرا لمرورك وردك

الموضوع جميل بس انت جاى على البنات اوى هو ممكن يكون كتير منهم كدة بس طبعا فية بنات غير كدة وممكن نشوف اشخاص من بعيد وناخد عنهم فكرة ولما تقرب تتغير الفكرة دى

فعلا ده كلام صح ميه فى الميه
براااااااااااااااااااااافووووووووووووووووووووو