مذكرات طالبه فاشله فى تربيه

مذكرات طالبة فاشلة
مذكرات عن بنوته بس دماااااااااغ مش دريانة
بحاجة خالص ودمها خفيف موت

الحلقة الاولي : ( يا فتاح يا عليم ..... يا رزاق يا كريم )
اولا الاسم الحركي : ميوشة

العمل : عمل ايه بس ... مش لما اتخرج الاول
الحالة الاجتماعية : يا مسهل .. وربنا يرزقني بابن الحلال ... معندكش واحد ؟
عن نفسي : ناس كتير بيقولوا عليا اني اسافين ( مع اني ملاك ) ... بس اللي انا متاكده منه ... ان عندي بكل فخر ...
لسان عايز قطعه ، ده غير اني بحب دايما احط بهارات علي الكلام ( ملح وفلفل و الذي منه )
شعاري في الحياة : عند الاكتئاب .. انظر حولك .. فبالتاكيد سوف تجد اشياء ( تفطس من الضحك نيهاااااااااا )

متهيالي عرفنا بعض كويس ... نبتدي بقي بسم الله

( البدااااااااااااااااية )
مبروك يا ميوشة كلية التربية
دي كانت اول بداياتي مع كليتي المتواضعة كلية التربية ... اللي ما كنش املي في الحياة و لا حاجة
لكن مجبر اخاك لا بطل ، بمعني إني كنت بدأت الفشل من بدري في الثانوية العامة فمجموعي و داني تربية
انا معترضتش والله انا بس كنت عايزة كلية ادرس فيها انجليزي و خلاص ، وده ان دل علي شئ فانه يدل علي اني الحمارة الوحيدة اللي تدخل قسم انجليزي وهي متعرفشي غير كلمتين (yes , no ) ده انا حتي معرفش مين فيهم ايوة ولأ .. بس لما دخلت الكلية اتعلمت كلمة كمان بقولها لاي حد يسالني عن اي حاجة و هي ( I donot know ) ... فطبعا بعد ما اكتشفت محصلتي اللغوية الفظيعة دي ... قررت اني ما ابخلش علي اجيال المستقبل ( المظلم علي ايدي اكيد ) و اني ادخل قسم انجليزي علشان افيد التلاميذ بعلمي وخبرتي
( 3 كلمات مش قليل برضه )

في الكلية قابلت ناس كتير
وانا طول عمري مش اجتماعية بالمرة ... وطول عمريى برضه اصحابي يتعدوا علي اصابع الايد الواحدة
..... لكن ما عرفش ايه اللي حصلي اول ما دخلت الكلية ... لاقيت نفسي صاحبت امة لا اله الا الله ... وطبعا بما ان كاية التربية كلها بنات ، فماوجهتش موضوع الصدمة الحضارية بتعاة الولاد دي ... حتي في الدفعة بتاعتنا احنا حوالي 300 بنت و الولاد اللي معانا ميكملوش
ال15
المهم اني اني كل حاجة حصلت في الكلية دي حصلت معايا من غير قصد فلاقتني صاحبت ناس كتيييييييييير ... ونمرة تليفوني مع البنات كلها


وانا كمان فيه ميزة جامده جدا ... انا من النوع ابو لسان طويل ( النوع ده بيعيش في اثيوبيا و انقرض من ثلاث سنين و انا اخر سلالته ) بمعني اني مبيهمنيش .. يعني مثلا
في ناس كتير بتتكسف تكلم الدكاترة ( متسالونيش ليه ) .. انا بقي
مش من دول خالص ... انا لو موقفتش قدام الدكتور اساله و أطلع عينه عمري ما افهم
( قال يعني انا بفهم حتي لما اسال ) ... فلما البنات لاقوني نوعا ما جريئة و بكلم الدكاترة
واتخانق مع الفراشين ... واجر ورا المعيدين ...... عملوني حاجة كدة .... زي ...زي ماما بالضبط اللي عايز حاجة يجي يقولي ..... و كنت ساعات بلاقي ناس بتيجي و تقولي ( انتي اللي تتكلمي باسمنا ) ولا كاني احمد عرابي ...

ما علينا اللي انا عايزة اقوله اني اول ما دخلت الكلية دي وانا عرفت ان حياتي حتتغير بسببها
عشان كده قررت اني استمتع بسنين الكلية دي سنة بسنة
اخرج واتفسح و العب ........... و احم بعد الشر عني احاول اذاكر

ههههههههههههههههههههههههههههههههههههه
لاء حلوه يا مصطفى
بس ليه بتوع انجليزى ..دول حتى غلابه
بس طالبه جااااااااااااامده

طبعا غلابه واجمد طلاب فى الكليه وميرسى على مرورك يا اسماء

elbnt d btfkrne bya f2ol sana felklya elmhbba d

حلو اوي الموضوع يامصطفي
وبجد كل مواضيعك حلوه
تسلم ايدك

موضوع حلو يا عم مصطفى

ايه الجمال ده

الله عليك يا حبيب والديك

ههههههههههههههههه
موضوع حلو اوىىىىىىىى يا مصطفى
وتسلم ايدك

هههههههههههههههههههه
والله يابنى دى مش فاشلة ولا حاجة
هما دول اللى بينفعوا الايام دى
واسمع احلى سلام لكل شعبة انجليزى
وخصوصاااااااااااااااااااااااا
انجليزى عااااااااااااااااام

واشمعنى بقى انجليزى عام؟
ماله بقى انجليزى اساسى؟
ههههههههههههههههههههههههههههههههههههه

انجليزى اساسى دول احلى ناس فى تربية كلها
..............بس برضو انجليزى عام احلى
ولا ايه يا عم زيزو

اشى يا ست رانيا

على فكرة انا مش رانيا