> اعرف نفسك, ولا ايه؟؟ بلاش احسن

السلام عليكم ورحمه الله
على كل الموجودين
انا كنت كده ف ليله من ذات الليالى العجيبه
قولت ما اشوف نظام الناس اللى هنا ف الاختبارات دى
اكيد عرفتوا انها ملطوشه يعنى اكيد عبقريتى ماوصلتش للدرجه دى
ولو يعنى لا قدرالله وعجبتكوا الفكره عندى اختبارات تانيه (وياما ف الجراب يا حاوى) ده انا يعنى
المهم انا عارفه طولت عليكوا الاختبار قااااااادم
عنوانه ما مدى ثقتك بنفسك؟؟؟؟؟؟؟

اولا: طاطاطا دشدش
وانت قاعد كده ولا بيك ولا عليك حد رزل طرح موضوع ما (ياقعدين يكفيكوا شر الجايين) هتعمل ايه؟؟؟
ا) هتدش رأيك الشخصى كده على طول من غير احم ولا دستور 10 نقط
ب) مش هتنطق ب ولا كلمه ولاتفتح بقك غير لما حد يتكرم ويسألك رأيك(قال يعنى حد هيتم يسألك) ؟؟ صفر
ج)هتعلق على ردود الناس كده ولا كأن ليك رأى 5 نقط

ثانيا:طاطاطا مش لازم دش دش
دكتور من اللى بسم الله ماشاء الله يعنى عليهم انتقدك كده انتقاد ظالم(قال يعنى الواد معملش حاجه) هتعمل ايه؟؟
أ)هتدافع عن نفسك بقى وتجيب الاس اللى عندكوا ف المنطقه وتوضحله انك مظلوم 5 نقط
ب) تكلمه بهدوء كده ورقه وملاك برئ وتثبتله انه رأيه غلط فيك 10 نقط
ج) ولا هتسكت وتكتم غيظك ف قلبك ياعينى وتقعد تهرى وتنكت ف نفسك صفر

ثالثا:طاطاطا كفايه بقى تعبت
جه عندنا ف الكليه مثلا شخصيه ذات اهميه بقى يعنى والكليه طلبت منك تلقى كلمه الترحيب(واد مهم بقى هى هى هى قال) هتعمل ايه؟؟
أ) هتقول لا ابدا بتاتا ده انا عيان عيه وحش اول لما افتح بقى هتتعدوا صفر
ب) هتوافق بس تتشرط عليهم انه تكون صغيره حاجه كده واقلب يعنى 10 نقط
ج)تطلب منهم بقى شويه علشان تفكر بقى ياعم مفيش حد قدك 5 نقط

رابعا:طا
وانت قاعد كده بين اصحابك الواد صاحبك الانتيم الخفيف ده قال يعنى هيعمل مقلب وطلب منك انك تساعده
أ) تقول طيب والله ما انا جاى اصلا القعده دى انا ايه اللى يخلينى اتحرج ياعم صفر
ب) تقوله لا ياعم بلاش هيولعوا فيك 10 نقط
ج)تقوله لا طبعا انت عبيط وتسيبه يعملها لوحده وتقوله رأيك بعد القعده اللى مش باين لها اخر زى الاختبار ده كده 5 نقط

خامسا: ط
دخلت كده على غير العاده مصلحه يعنى من المصالح الحكوميه الهاديه والفاااااااااضيه خالص بتاعتنا
أ)هتجيب حد ييجى معاك اصحاب خلان جيران اى حد يعبرك 5 نقط
ب) هتروح لوحدك وتكلم اى حد هناك من غير ماتعرفه وخلاص 10 نقط
ج)هتروح واول حاجه هتعملها هتدور على الكافيتريا وتطلب شاى وسندوتشين جبنه رومى ده لو لقيت(اه يا طفس) ماتبقاش تنسانى صفر

سادسا:______كفاايه
اتهبلوا ف عقلهم وانتخبوك رئيس اتحاد الطلبه هتعمل ايه؟؟؟
أ) هتغير الدنيا اللى كان ماشى عليها الاتحاد وتقلب الدنيا رأسا على عقب( لا حلوه رأسا دى)؟؟ صفر
ب) هتقول للناس ونبى تستنوا عليا شويه كده فيه كام فكيره ف دماغى كده 10 نقط
ج)اهلا بأى حد عنده افكار جديده اسمعها اكيد 5 نقط

سابعا: اخيرااااااااااااااااااااااااا
وانت قاعد كده ف المحاضره( ده لو كنت بتحضر اساسا) والدكتور قال حاجه غلط
أ) هتقاطعه كده على حين غره وتصححله بلباقه قال يعنى 10 نقط
ب) هتاخد رأى زمايلك اللى جمبك(اللى اغلبهم نايم اساسا)؟؟ 5 نقط
ج) بعد المحاضره ماتخلص هتروح وراه زى المسروع وتقوله(قال يعنى مش هتنزل جرى على الكافيتريا)؟؟ صفر

بس هو ده الاختبار قصير اوى معلش

احسب النقط اللى جمب الاجابه اللى هتختارها بديهي يعنى
النتيجه كله يجهز

لو جبت من بين 60 و70
فأنت واد او بنت ايه مخلصين من الاخر واثق من نفسك جدا وصعب انك تغلط ف المواقف اللى عايزه حزم وحسم وحمزه

لو جبت من بين 40 و59
انت الثقه عندك قليله عايز زقه شويه وتفكير ف المواقف الصعبه كل تفاح كتير هيريحك

لو جبت من بين 40 وحتى لغايه 20
انت مهزوز الثقه جدا يا عم بقولك كتر من التفاح شويه

لو جبت اقل من 20
لازم تراجع نفسك يابنى قبل ما الوقت يفوت للأسف لا يوجد اى ثقه خالص بتاتا
انت نام ف مزرعه تفاح احسنلك

انا مالى والتفاح النهارده مش عارف

يارب الاختبار يعجبكوا ومعلش طولت انا عارف

حلوووووووووووووووووووووووووووو
واسلوبك جامد بجد الموضوع تحفه
تسلم يديك

ههههههههههههههههه
هههههههههههههههههههه
اختبار جميل