يدوب كومبارس

ارجو المعذرة على عدم دخولى المنتدى من فترة طويلة ولكن كان ذلك بسبب الدراسة والامتحانات
ياااااااااااااااارب تتقبلوا اعتذارى وانهاردة راجعلكم بحاجة كاتبها جديد ويارب تعجبك ان شاء الله


سنين حب ووفا وإخلاص ... كلام زي إللي فالسيما
وآخرتها كده بنداس ... وجرح وكسرة وهزيمة
لكن لسه الزمن دوار ... ومين عارف ياقصتنا
أكيد هاخد فيوم بالتار ... مدام عايشين ومش متنا
ـــــــ
أنا هظهر بوش جديد ... وهاخد حقي كله أكيد
بدمعك هطفي نار جرحي
هشوف قلبك بيتقطع ... يزيد حزنك وأنا أتمتع
ودا هيكون سبب فرحي
ـــــــــ
سنين عايشة يدوب كومبارس ... وأنا إديتك بطولة ودور
وفعلا خدت منك درس ... وجاي بكرة عليكي الدور
خلاص الفيلم فنهايته ودا آخر كلام
وفاضل بس هنصور مشاهد الانتقام
ــــــــــ
مدام قلبك بعد عني ... مدام قلبك كده خاني
ولا ليا ولا لغيري ولا لحظة هتتهني
سنين شايفك ملاك عالأرض ... وبخلصلك بطول وبعرض
ولما فقت من وهمي لقيتك شوك فقلب الورد
وعدت ووعدي وعد الحر ... ومهما العمر بينا يمر
هرد الجرح 100 مرة وهسقيكي العذاب والمر
ـــــــــــــ
يدوب كومبارس