أولا وقبل كل حاجة هنعرفك بنفسنا وبمعنى كلمة أسرة .. كلمة أسرة يعنى أخوات .. ناس بتحب بعض فى مكان واحد وعايشين دايما سوا على الحلوة والمرة , ليهم طباع وعادات معينة بتميزهم عن باقى الناس .
احنا بقه مجموعة من الشباب والبنات , عملنا أسرة اسمها " الفراعنة " وده لحبنا لتاريخ بلادنا واعتزازنا بيه وأيمانا بأن " من فات قديمه تاه " وده مش معناه إن أعضائنا رمسيس وكليوباترا , إحنا فكرنا جديد مع حفظنا على حب بلدنا وعادتها وتقاليدها , إحنا طلبة عاديين جدا زينا زى اى حد بس بنحب العمل التطوعي وعندنا طموح ورغبة إننا نعمل حاجة لكليتنا ومجتمعنا وبلدنا مصر .
وعشان نحقق حلمنا اختارنا مكانا الحالى ( امام مبنى البيولوجى ) عشان يبقى مكان نتجمع فييه مع بعض نذاكر او نعمل انشطة طلابية لينا ولزملائنا الطلاب .