تعالوا نراقب نفسنا!!!!!!!

السلام عليكم ورحمة الله وبركاته

الواحد مننا عشان ينجح في سنة في الكلية
او في المدرسة او في الدبلومه او اي شئ
بيتعب اوي طول السنة في المذاكرة
وبيتعب اوي من السهر
وبيشارك تعبه الورقه والقلم
وكل ده عشان ننجح بس في سنة

طيب اللي عايز ينجح في حياته كلها
ويكون مثواه الجنه
اللي هيفضل فيها علي طول
مش محتاج يعمل كل حاجه
ويعمل اقصي مجهود ممكن ؟

طيب تعالوا نعمل حاجه ونشوف
كل واحده وواحد فيكم يجيب ورقتين
ايوة ورقتين ودلوقتي
ويكتب علي ورقة منهم من فوق رقيب
ويكتب علي الورقة التانية عتيد
ويراجع نفسه
يكتب في ورقة رقيب
كل حاجه كويسه عملها النهارده
استغفار ، صلاة في وقتها ، غض بصر
قراءة قرآن ، إزاحه أذي عن الطريق
كل حاجه كويسة عملتها لربنا ولنفسك وللي حواليك

وتكتب في ورقة عتيد
كل حاجه عملتها غلط
ده إذا كنت فاكر اصلا كل حاجه
اكتبي جيبتي سيرة مين
بصيت او بصيتي علي كام واحد النهارده
اتأخرت/ي علي الصلاة
اتعصبت/ي علي مامتك
حطيتي برفيم ونزلتي
ميك أب

وتشوف/ي انتي نجحتي في يومك النهارده ولا لأ
تشوف/ي يومك النهارده
كان ليك/ي ولا عليك/ي

فيها ايه لما نعمل كده كل يوم
وكل يوم نزود حاجه في ورقة رقيب
وننقص حاجه من ورقة عتيد
لحد ما نلاقي في يوم من الأيام
بعد مراقبتنا لنفسنا
ان ورقة عتيد مافيهاش اي حاجه
بيضااااااااااااااااااااااء
وورقة رقيب مش مكفية
محتاجه اكتر من ورقة او عشر ورقات
عشان تكتب/ي فيهم الحاجات الجميلة اللي عملتيها

ياريت نجرب ومراقبتنا لنفسنا
مش هتخلينا نتمادي