بنت الجيران

قال وانا كنت بقول دة اسمة لعب عيال ..... لما حد يجى يحكيلى على بنت الجيران
بس بين يوم وليلة نازل على سلمنا .... كنت رايح اشترى حاجات من اول شارعنا
لقيت اسرة جميلة من بنت واب وام..... مش عارف اية حصللى بصيت غصب عنى
شوفت عينيها نسيت كل الهم
بعدها فوقت من سرحانى .......... واشتريت الحاجة وكملت مشوارى
وروحت على بيتنا وانا فى حالة صمت.... وحكيت لامى وبعدها دخلت ونمت
صحيت من نومى تانى يوم ..... اخد دش سريع وجهزت الهدوم
بفتح بابى ورايح كليتى ... الاقى قلبى من تانى اتحرك
لقيتها هى ادام عينيا بتفتح بابها ..... ومعاها بتفتح باب قلبى

وشىء جوايا حصل فى لمح البصر .... شوفت ادام عينيا ملاك مش بشر
ايوة كنت بقول زمان ... حب بنت الجيران ... دة اسمة لعب عيال
بس خلاص دة بقى امر واقع .... واللى جوايا حقيقة مش خيال
وعدى يوم واتنين وتلاتة .... وحبها جوة قلبى بيتمادة
وفى يوم مروح من كليتنا .... بفتح لقيتها قاعدة فى بيتنا
ارتبكت وبقيت فى حالة ذهول ... دى حقيقة .. لالا مش معقول
وابتدت هى بالسلاام وقالتلى .... عامل اية تمام؟؟؟؟
ولقيت ماما بتقولى ادخل يابنى سلم .... دى ........ بنت الجيران
قولت اقعد وسلمت واتكلمت ..... وعدت سعات وكانة حلم


ومرت الايام واحنا سوا .... وجمع ما بينا احلى هوا
وكل احلامى بقت واقع .... ودلوقتى بقى لمشوارى دافع
واتعهدنا نكون قد المسئولية .... ودايما ننول رضا ربنا عليها وعليا