انا زكى

صحيت من نومى بصيت فى مرايتى لقيت تجاعيد ... وحلم حلمتة كنت مستنية جاى من بعيد
فجاة حسيت انى واقف فى نفس المكان... وزى ما انا اللى اتغير بس هو الزمان
الحيات عدت ادام عينيا وجريت الدنيا بيا... والزمن طلع لسانة وضحك عليا
قاللى شوفت ضحكت عليك .. عرفتك على ناس وغدروا بيك
قال وكمان فاكر انك زكى ... عشان يعنى اسمك زكى
لا يا زكى مهى مش بالاسامى ... وكدا انا فرحت فيك وانت واقف ادامى
حزين مهموم مكسور وبتتئلم ... ندمان على الصحاب اللى بيهم الجرح فيك علم


ماشى يا زمن بقى كدا لا شكرا اوى.... صحيح انا طيب بس ممكن فى لحظة اكون قوى
وادوس واهد واجرح واذل واغدر وابيع... مهو سهل اكون شيطان من بعد ما كنت وديع
بس انا ليا ربى رب السما والارض ... هياخد حقى منك لو حتى يوم العرض

بس عارف انا منك مش زعلان ... ولا هدعى عليك واقول انت غلطان
مهو ناس كتير وراك استخبت يا زمن... انت كمان مظلوم بس انكتب عليك بدالهم تدفع التمن

اية رايئك من انهاردة نكون حبايب ... ولا اقولك لتطلع كداب زيها بلاش حبايب
اية رايئك من انهاردة نكون اصحاب ... ولا اقولك بلاش لتطلع زيهم انسان بانياب
خلاص انت زى مانت .. انت الزمن .. وانا زى ما انا ... انا زكى بس المرة دى هكون زكى