فى المقابر

اللى راحوا ...مبيرجعوش ...مهما تبكى عليهم عنينا

ومهما ننادى ..مبيسمعوش...مش بأيدهم يردوا علينا
ــــــ
كانوا لسه معانا ..ويانا ...حضنهم مفتوح لينا
كانوا...جنبنا...فى قلبنا..وقلوبهم دايما علينا
ــــــ
وانا ماشى فى حته ساكته مفهاش صريخ ابن يومين
مفهاش غير شجر صبار .. مسقى بمر السنين
ــــــــ
فى المقابر...قلبى صابر على اللى راحوا منى
فى عذاب...وفى حساب...وصوت سمعه قاتلنى
ــــــــ
كل يوم واحد بيموت...ونسمع صرخه فى البيوت
صحيح ده مكنش عامل حسابه ..كان فاكره يوم ويفوت
ــــــــ
وادى واحد مبيصليش...ده حسابه اكيد كبير
وده واحد مبيبكيش...مات خلاص جواه الضمير
ـــــــــ
واللى بيسرق واللى بيقتل ...واللى بيحرق قلوب الخلق
دول فى النار...نهايه ضمار...هيتحرقوا فى النار حرق
ــــــــ
فى المنافق والمتظاهر...انه بريئ انه الطاهر
رايح الجامع جاى من الجامع ...انما فى الغش ماهر
ــــــــ
واللى ربنا مديله عيال...وعنده فلوس وفى احسن حال
خلف وعده مع ربنا ورفض ....يدى ذكاة المال
ــــــــ
دول فى النار...اه فى النار ....والاخره يامه فيها اسرار