دموع نزلت علي خدودنا

دموع نزلت على خدودنا
ما بين مجروح وبين حيران
دليل صادق على وجودنا
فى صورة إسمها الإنسان
ولما الدمع ينزل شوف
مهوش ضعف استكان فينا
ولا طبعا بشاير خوف
لكن كانت دموع ثايره
صحيح يمكن تكون حايره
وبتحاول تشق طريق
عشان تخرج من الدايره
و تنزل لجل ما تنزل معاها كتير
وتاخد م الهموم الوفات
من العمر اللى عدى وفات
من الاشجان
من الحرمان اللى صار موجود
وقسوه طبعاها غالب
ظروف صعبه على قلوبنا بتتكالب
ومين كاره ومين حابب
ومين يا دنيا راح يعذز
أنــا
كتير دمعى ؟
منا عارف
عشان العقل بيفكر
وطول ما بشوف حيارى كتير
يجوز دمعى يزيد أكتر