ياترى هتختار طعم ايه ؟؟!!..

كان فى حمله جامده عاملاها شركه شيبسي
شوف انت عايز شيبسي جديد بطعم ايه
اختار وابعتلهم

طب ياتري الحكايه مستاهله كل ده
دعايه زياده عن اللزوم
وكأن الناس في مصر دماغهم فاضيه ورايقه اوي
عشان يفضالهم طعم الشيبسي اللي هيفكروا فيه

ولا هو احنا رايقيين اوي عشان نفكر ف طعم شيبسي
يعني ننسي الثانوي العامه وقرف امتحاناتهم والجامعات بردو ونفكر ف طعم للشيبسي
ولا ننسي خالد اللي اتقتل وطلعوه كمان مدمن مخدرات
ولا ننسي العشوائيات
ولا زحمه المرور
ولا احتجاجات المحامين
ولا وقفات العمال
ولا ايه ولا ايه

ولا يمكن شيبسي حاسه بينا اوي
وعارفه اننا مش بتختار اى حاجه في البلد
فقالت اما اجبر بخاطرهم واخليهم يختاروا طعم الشيبسي

عجبتني اوي صوره شوفتها علي الفيس بوك
الناس بتفتكس حاجات حلوه والله


ده اللى هما اختاروه

تتوقعوا بقى انتو حتختاروا ايه..؟؟؟

تحبوا اقولكو فى ناس اختارت ايه

ولا اصبر شويه على منتو تقرروا انتو عايزين ايه؟؟


فكروا شويه معايا وخلونى نقترح

طعم مصر حيبقى ايه؟؟

مصر حتختار ايه؟؟

السوال لكل ولد وبنت
وسامحونى لو كنت بوخت عليكو فى نوع التوبيك..