الديسكو

انا دخلت ديسكو ورقصت فية
وعرفت سرة واية بيجرى فية
======
ولا غنوة لحليم ولا لسومة
ولا حتى فى كلمة فية مفهومة
رقص وهلس وتنطيط
======
الدنيا جوة غير الدنيا
مش فارقة لاساعة ولاثانية
ومزيكا كلها تخبيط
======
واللى ع الطبلة بترقص
واللى مع الهيصة يهيص
واللى من الشرب مهيس
ومش عارف هو فين
======
واللى جاى ينسى همومة
قال يعنى فايق من يومة
الناس يقعدو ويقومو
وهو عامل فيها حزين
======
وشباب وبنات زى الشربات
ضايعين فى الشرب
قاعدين فى مكان صاحبة الشيطان
ملهوش فى الحب
=======
قولت اخرج من هنا احسن لى
اروح ع الجامع اللحق اصلى
وابوس ايد ابويا وايد امى
واقرا سورة يس
======
خايف على نفسى من الفتنة
قولت ارجع تانى لحتتنا
الديسكو دة مش سكتنا
ابعد ياشيطان ابعد يا رجيم