للمراهقين والمراهقات

فى البداية ....الزعل طبيعى من كلامى ....واللى يزعل مش هقول معلش ...لا اللى يزعل ممممممم يتفلق كويس


دخلنا الكلية....

يعنى جو جديد
يعنى الواد عايز يحس انة راجل ومقطع السمكة وديلها ودونجوان عصرة

والبنت عايزة تحس انها قمراية منورة وبدر البدور ...ويا ارض هدى ما عليكى قدى



الكل داخل وبيقول فينك يا اربتاط ...مش فينك يا مواد

خلاص انا فى كلية انا حر اعمل اللى عايزة ومن حقى اتحب واحب او محبش المهم يبقى ليا البت بتعتى

والبنت تلاقى كل اصحاها بنات...تقول لالالا عيب كدا لازم يبقى ليا ولد ارتبط بية كدا عشان دة بقى تبع البرستيج والشكل العام بتعاها يبقى كويس

خلاااااااااااااااااااص ...بقينا فى زمن المسخ

اللى مرتبط واللى مرتبطة وعايشين وخلاص مش حسبنها وناسين الله

الواد اللى ارتبط بواحدة ولقاها مش مكفياة ارتبط معاها بواحدة كمان ...محسسنى انة طقم عبارة عن قميص وبنطلون ولازم يكمل الطقم

والبنت اللى لازم مدام دخلت الكلية ترتبط وتحب اصل خلاص الكلية مبقتش للدراسة

الكل داخل الكلية وناسى انها كلية
ممكن اعرف الفرق بينها وين المدرسة فى الابتدائى ولا الاعدادى والثانوى
كلة واحد الفرق انها مرحلة تعليمية جديد وبس لكن مش مرحلة للحصول على غضب ربنا
الكلية زى المدرسة...الواحد دخلها دراسة وعلم وشهادة...مش حب وتسلية ولعب عيال

لا وكمان نلاقى المرتبطين مقتنعين اوى انهم صح ومش غلط ومش بيعملوا حاجة ولا غلط ولا حرام
لا الارتباط الغير الرسمى ...اللى بنسمية العاطفى حرام ...لان مفهوش خطوة ولا كت كتاب ولا اى شىء رسمى
والمشكلة ان كل دة لعب عيال ومراهقة ودى مرحلة بنكون فيها فى قمة التردد ودة طبيعى للمرحلة العمرية اللى احنا فيها


واللى غايظنى البنت بتبقى هبلة ولا غبية ولا عارفة وبتستعبط ...وتقول ما هو اول ما يتخرج ولا حتى فى تالتة ولا رابعة هيتقدم زى ما وعدنى...بس لا مش كدا للاسف
وانا ولد ونصيحتى هنا

الولد لو ارتبط بنت ادام الناس ومش هامة منظرها لازم تفهم انة مجرد فترة هيروح لغيرها
والاهم....مفيش راجل وكلامى هنا بخص بية الرجالة بجد ...مفيش راجل يرتبط ببنت مشى معاها ابدا ابدا

اة صحيح.... وانا مش مكسوف من انى اعترف
اصل انا مش ملاك ولا نبى ...انا بشر ومعرض للغلط
بس الغلط انى بعد ما عرفت كل دة وعرفت ان الارتباط حرام من غير شىء رسمى وانفض واكمل..لانى اكيد ارتبط فى حياتى قبل كدا
وساعتها مش هكون غلطان وبس ساعتها مش هنول رضا ربنا عليا
ممكن كلامى يضايق ويوجع ورخم وغلز كمان انا عارف ...ما هو ماشاء الله كل الجامعات وكل الكليات
بقت للارتباطات العاطفية
بس معلش استحملوا بقى رخامتى وكلامى دة ...

يمكن يمكن واحد حتى بس يفهم كلامى او واحدة بس تفهم كلامى وتعمل ساعتها الصح
وعلى فكرة طبعا الكلام مش اجماع على كل الناس لا بالعكس فى ناس عارفة الكلام دة ومطبقاة والحمدلله عيشيت احسن حال وربنا يبارك ليهم يارب ...انا كلامى دة على قلة ويارب تختفى ان شاء الله وتبقى مع الاغلبية