لحظة يا قلبي!!!!!!!!!!

بسم الله الرحمن الرحيم ، وبه نستعين ، وصلى اللهم على خير الذاكرين والشاكرين محمدا وعلى أله وصحبه وسلم...أما بعد
,,,,,,,,,,,,
لا إله إلا أنت سبحانك إنى كنت من الظالمين
قال تعالى

يَوْمَ لَا يَنفَعُ مَالٌ وَلَا بَنُونَ{88} إِلَّا مَنْ أَتَى اللَّهَ بِقَلْبٍ سَلِيمٍ{89}

ياااااااااارب ..أصلح فساد قلوبنا

قبل ما نبدأ بعون الله كلامنا
ياريت نقرأ الايات دى بقلوبنا

(وَمِنَ النَّاسِ مَن يَقُولُ آمَنَّا بِاللّهِ وَبِالْيَوْمِ الآخِرِ وَمَا هُم بِمُؤْمِنِينَ{8} يُخَادِعُونَ اللّهَ وَالَّذِينَ آمَنُوا وَمَا يَخْدَعُونَ إِلاَّ أَنفُسَهُم وَمَا يَشْعُرُونَ{9} فِي قُلُوبِهِم مَّرَضٌ فَزَادَهُمُ اللّهُ مَرَضاً وَلَهُم عَذَابٌ أَلِيمٌ بِمَا كَانُوا يَكْذِبُونَ{10)البقرة}

ومن الناس !!! يعنى ممكن نكون منهم
اللهم لا تجعلنا منهم يارب
..............
يترى أنتوا حاسين أحنا بقي حالنا إيه مع ربنا ؟؟؟
كلنا بلا أستثناء !!!

لغاية أمتى هنفضل فى الغفلة دى ؟
لغاية امتى هننسى نفسنا ، وكمان ربنا ؟
لغاية أمتى هنعيش ورا هوانا ؟

وننسى الغرض الرئيسى لنا فى هذه الحياة

لعاية أمتى هنحب غيره ؟

لغاية أمتى هنخاف من غيره ؟.

أمتى هنحس بحب ربنا لنا ، وجحودنا ليه ؟

أمتى هنوقر ربنا ونعمله حساب ؟
بدل ما بنعمل لغيرة ألف حساب.
أمتى هنملى قلوبنا بحبه ؟، بدل ما هى بقت مقر كل حاجه إلا هو

قلوب خاليه ، فارغه ، تافهه

وأنا والله بتكلم عن نفسى ، قبل ما اتكلم عن اى حد

قلوب مليانه بحب المال والجاه والنساء والدنيا

ولو كانت نضفت من دول شويه

أتملت بحب الظهور والسمعه والرياء والغرور
قلوب بتتخطف لما بتسمع كلمة بحبك
لما بتسمع كلمة نجحت
لما بتسمع كلمة كسبت
لما بتسمع كلمة أنت أفضل واحد فى كذا
وتطمئن أوى لو سمعت
اغنية بتقول كلمتين حب
ولا لما بتتعرف على شخصية مرموقه
فعلا قلوب تجول فى الخلاء
ولكن هناك قلوب اخرى تحلق فى السماء ....
عارفين مين؟


{الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ }الرعد28
الذين أمنوا .. مش الذين أسلموا !!

........
قلوب لو سمعت كلمة ربنا ، كأنها كلمة زى كلمات كتير بتعدى عليها
يترى ماسمعناش كلام ربنا اللى بيقول ، على سماع كلمة الله بس

{إِنَّمَا الْمُؤْمِنُونَ الَّذِينَ إِذَا ذُكِرَ اللّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَاناً وَعَلَى رَبِّهِمْ يَتَوَكَّلُونَ }الأنفال2
يارب اجعلنا من المؤمنين.

تسمع أية قرءان بتتكلم عن النار، وكانها بتتكلم عن كفار قريش
أما أحنا ...فضامنين الفردوس الأعلى
قلوب مش عايزه تفهم ، مش عايز تفكر

{أَفَلَا يَتَدَبَّرُونَ الْقُرْآنَ أَمْ عَلَى قُلُوبٍ أَقْفَالُهَا }محمد24
...........
قلوب كل همها بكره
هلبس ايه ؟
هاكل ايه ؟
هشتغل ايه ؟
هتجوز مين ؟
هاخد كام ؟
هسافر فين ؟
قلوب بقت ذى..........
بل هم أضل
{وَلَقَدْ ذَرَأْنَا لِجَهَنَّمَ كَثِيراً مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَـئِكَ كَالأَنْعَامِ بَلْ هُمْ أَضَلُّ أُوْلَـئِكَ هُمُ الْغَافِلُونَ }الأعراف179
قلوب بقت ... ولا حول ولا قوة إلا بالله ... عميااااااااااااااااء

{أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لَا تَعْمَى الْأَبْصَارُ وَلَكِن تَعْمَى الْقُلُوبُ الَّتِي فِي الصُّدُورِ }الحج46
صدقونى أحنا كلنا ... بلا استثناء محتاجين نقوم ننضف قلوبنا

محتاجين نفكر فى امراض قلوبنا
حتى لو كان مننا ...اللى ربنا من عليه وتاب عليه من ذنوب كتير
فقلبه عامل زى كوباية الشاى ، ولما تاب مسك الكباية و كبها
بس لسه اثار الشاى ملتصقة فى قاع الكوب
........

وحتى لو كان مننا اللى ربنا من عليه وفتح عليه فى الدعوه ، فده قلبه محتاج يوميا للغسيل من النفاق والرياء وحب السمعه والظهور و و و و
....
واللى ربنا من عليه وفتح عليه فى اعمال الخير برده محتاج يبص فى قلبه
ويشوف مين فيه ؟ ويشوف يترى هو بيعمل العمل ده لمين ؟
وايه اخبار قلبه بعد كل عمل ، لو كان بيحس بإنكسار وافتقار وأستبراء من حوله وقوته ، وفى دموع فى صلاة القيام بالليل وأعتراف لربنا بكرمه عليه
فهنيئا له ..ان شاء الله... قبول عمله
أما لو عادى كده ، ومفيش تغيير
فأدعى ربنا يرزقك ويرزقنا الاخلاص
كفاية كده كلام ... خطوات عمليه لتنظيف القلب

1.الدعاء
والاكثار من
اللهم اعنا على ذكرك وشكرك وحسن عبادتك
يا مقلب القلوب والابصار ثبت قلوبنا على دينك
اللهم وأرزقنا الاخلاص فى القول والفعل والعمل
اللهم حببنا فى طاعتك
اللهم هب لنا قلوبنا طاهره مملوئه بحبك
اللهم وأرزقنا حبك وحب من يحبك وحب كل عمل يقربنا لحبك

2.الخلوة
قال ابن الجوزى (النفس إن كان عندها شغل بالخالق لما احبت الزحمة ، كما أن الذى يخلو بحبيبه لا يؤثر حضور غيره ،ولو أنها أحبت طريق اليمن لما ألتفتت الى الشام )

لازم يكون ليك وقت بتختلى فيه مع نفسك ، بس مش كتير ، على قدر ايمانك
وممكن نخليه وقت الثلث الاخير من الليل
ومتقمش من السجود إلا ودموعك مغرقة الارض
قوله وفضفضله ، قول يارب مليش غيرك ،
متسبنيش
حببني فى طاعتك
ارزقنى صحبه صالحه تقربنى منك
أهدينى لما تحب وترضى
أحفظنى من نفسى ومن اصحابى ومن الشيطان
حببنى فى الايمان وحبك يا رحمان
3.القرءان
خلى ليك ورد يومى لتلاوة القرءان ولكن بتدبر
وحس ان ربنا بيكلمك ، فأستمع جيدا لكل ما تقرأ
واعلم أنها أوامر من ملك الملوك
4.فى كتاب اسمه
أصول الوصول للشيخ يعقوب ، أو كتاب قصة الالتزام والتخلص من رواسب الجاهليه ، أو أسمع شرح كتاب مدارج السالكين
5.أنصر الله فى كل مكان ينصرك ، ينصرك وبس؟؟
لا
{(يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ }محمد7
ويثبتك كمان

لا إله إلا أنت سبحانك إنى كنت من الظالمين
اللهم أصلح فساد قلوبنا
اللهم أنى اعوذ بك أن أذكرهم بك وانساك
...
من لى سواك وكل ما فوق التراب هنا تراب
من لى سواك وأين أذهب دلنى أين الذهاب
من لى سواك ولى ذنوب كالجبال مع الهضاب
من لى سواك ولى خطايا مثل ذرات التراب
من لى سواك إذا قبورا بعثرت فوق التراب
من لى سواك إذا جبال سيرت مثل السحاب
من لى سواك إذا جهنم سعرت بلظى العذاب
وعساك ترضى ربى عن عبد جفا فوق التراب
ضاقت به الدنيا فجائك تائبا مما أصاب

يترى هنتغير بعد الموت ؟؟؟؟
ولا بعد ما قلوبنا تموت ؟؟؟


وصلى اللهم على حبيب قلوبنا محمد صلى الله عليه وعلى أله وصحبه وسلم
وأخر دعوانا ان الحمد لله رب العالمين
.....................................................................................................