أحلام عربى ............. أم الأجنبى

الحرية و الشفافية و الدمقراطية و الوحدة الوطنية و القومية العربية

والاصلاح و التعديل و التغييير و العلاوة السنوية

أنابيب البوتاجاز و قرار بوقف تصدير الغاز

و حرمان امريكا من المعونة المصرية

اللحمة سواء بتلو أو كندوز و المدام أخر الشهر مش لاوية البوز

بسبب الفلوس الكتير اللى فايضة من المهية

هوا نضيف و الوقوف جنب الضعيف

و البنزين عشان نمشى بيه العربية

فلوس المعاش وواحد سافر كذا مرة بالعبارة و عاش

و الغاء كلمة معاناش و الغاء الضريبة العقارية

دوا أمن و شقة فى أى حى ان شا الله التامن

و هيفا و مروة و قمر مايطلعوش المارد اللى جوانا كامن

و الرقابة بجد على المصنفات الفنية

عبااارة مش بتغرق بس لأ بتعووم و رغيف عيش مدعوم

و مضاد حيوى للهموم و كسوة ان شا الله تكون سنوية

الاهتمام بالقرى و النجوع و مانموتش من الفقر و الجوع

و البصل بس هوا السبب فى الدموع مش المهانة اليومية

الناس راضيين و اعداام اللى يسب الدين

و الامن مستتب فى فرشوط و نجع حمادى و البساتين

و تحرير فلسطين و كل المساعى الحميدة لحل القضية

الجنيه بخمسة دولار و مفيش أزمة فى السولار

و أتوبيس فاضى و نزاهة قاضى و وزارة للحنية

قطريين مابتقلبوش على سهوة و شباب شغال مش على القهوة

ووصولنا فى أى حاجة للتصفيات النهائية

كل دى ............................ أحلاااااااام بس

أحلام عربى ............. أم الأجنبى
!!!!!!!!!!!!!

فعلااااااااااااااااا
احلام عربى ام الاجنبى

يااااااااااااااااااااه هو فعلا حلم بس بيتهيالي صعب يحقق

اها يارب ربنا يحققلنا كل احلامنا ويحل مشاكلنا
هاااااااايل يادينا