اسئلة جادة ارجوا المشاركة

ميرسى اووى على المشاركة بس ممكن يعنى بليز تجاوبوا الاول وتقولوا رايئكم وبعدين تعلقوا ع بعض اوك

لماذا يصعب علينا الاعتراف بالحب ..؟
أخوفا من الصد أم خوفا من أنفسنا أن تضعف اما الطرف الاخر !!!!!
لماذا نصر على انتظاره ليقوم بحركة ما وعندما يرحل ونندم حين لا ينفع الندم ..؟
ما هي طريقتك في التعبير عن الحب ..؟

هل لديك الجرأة للاعتراف بالحب ومصارحة من تحب ..

أم تصمت وتراقب من بعيد وتنتظر أن تحصل معجزة ما تقرب قلبي كما دون أن تقوم بأدنى محاوله

هل تندم على كلمة حب انطلقت من أعماق قلبك وكان مصيرها الصد ..؟ أم تتخطى الأمر وتسعد بشرف المحاولة

انا هجاااوب لان مافيش حد جاوب
انا مش هقول لشخص انى بحبه الا اما اكون متاكده انه بيحبنى الاول عشان ميكونش حبى هباءا...
لانى بطبعى عشان بنت هبقى خجولة ومش هعرف اصرح الا اما اتاكد انه بيحبنى وعشان ابقى انا متاكده انى فى الطريق الصح...

السؤال التالى
ماذا تفعل اذا تغير عليك اعز انساان!!!
انسان عزيز عليك
تقضي معظم أوقاتك معه..
كان الانسان الذي تشكو له همومك..
وتسعدك ابتسامته الرقيقه..
وكان يهتم بك..
ولا يقدر على فراقك..
وحالك لايصبح أفضل إلا بلقياه..و سماع صوته كل يوم..
.....................
بين يوم وليله انقلب حاله..
وتغيرت تصرفاته...
كأنه لم تكن بينكم علاقة وطيدة تجمعكما..
ماذا تفعل عندما يتغير عليك أعز انسان ???
ماذا ستكون ردة فعلك اتجاه..؟
هل تحاول معرفة السبب..؟

أو تنساه ولاتهتم به..؟؟

أم تحن عليه؟

وماذا ستفعل..؟؟

وهل مررت بهذه التجربه؟

ارجووووووووووووو الاجابة مستنيه ردودكم

من المعقول ان نستغنى عن قلوبنا


للاحتفاظ بكرامتنا في سبيل ذلك

لماذا يبيع الصديق صديقه والحبيب حبيبته ؟
وكل شخص اكيد حصل له موقف من الحياة سواء مع صديق

او حبيب .... هذه هي الحياة ؟

لم اجد سبب لذلك ..!

صحيح انه لابد ان تكون كرامة النفس فوق كل اعتبار

ولكن لماذا ولدت التضحيه اذا كانت كرامة النفس هي المنتصره

غالبا
ام هي مجرد كلمات نؤيد مضمونها ولكن بدون العمل بها ....

لنقف لحظة على بعض الجمل

هي موجوده في حياتنا ودائما نرددها في موقف معين


لا .................................................. .



وانما في حدث ،،،،


خداع

خيانة

كراهية

كذب

ضعف

هزيمة

قالوا :


( من باعنا بعناه )


( اللي يهواك اهواه..واللي ينساك انساه )


( الذي لا يعتبرك ربحا لا تعتبره خسارة )


( الصديق وقت الضيق )




فكـــر قليلاً ...


هل نستطيع حقا تطبيق ذلك !!


فعندما نلتقي بصديق مثلا ..نثق به..ونبوح له بمشاكلنا

ثم

مع مرور الايام نكتشف انه لا يحبنا...ولا يعتبرنا الا خيار


في غيابه نسئل عنه ...وان غبنا لا يسئل عنا


هل حقا نتخلى عنه



لا ادري !!!


أيهما أهـــم بحياااتك كرامتك أم قلبك؟

اجابتى
أيهما أهـــم بحياااتك كرامتك أم قلبك؟

قلبى طبعا بس بحدود طبعا يعنى ملغيش كرامتى طبعا..
ساعات الكرامة لازم تبقى موجودة ومينفعش استغنى عنها
لكن مش اجى فى موقف ممكن يعدى وامسك فيه واقول كرامتى
لان الحب والصداقة اللى بجد ميتعوضوش...
وكمان بيتهيألي ان ألأختيار صعب لأني مقدرش أستغنى عن
قلبى أو كرامتي وألأفضل أني أحافظ عليهم بحيث
أن قلبى ميلغيش كرامتي ويخليني أقدم تنازلات كتير
ولا أكون متشدده أوي وأحط كرامتي في كل حاجه
حتى ولو كانت بسيطه بطريقه تخليني أخسر قلبى
وأخسر ناس بحبهم

بصي يادينا هو انا اساسا مش بقتنع باللي يقارن بين حبه وكرامته اصلهم حاجتين مكملين لبعض مش ضد بعض يعني لو بحب حد مش هاجي ع كرامته ابدا عشان ساعتها كرامته هتكون من كرامتي والمفروض يكون العكس يعني وكمان موضوع الكرامه دي حاجه نسبيه يعني ممكن مثلا حد يعمل موقف واللي قدامه يعتبره انه بيهين كرامته في المقابل ممكن شخص تاني مايعتبرهاش اهانه لكرامته ...........معلش طولت عليكي بالنسبالي بقي لو لاقيت الي قدامي حد يستاهل اني اتخلي شويه صغيره مش كتير يعني عن كرامتي يعني حاجه مقبوله او حاجه مش مهينه قوي وفي ظروف للي حصل انا مقتنعه بيها يبقي اكيد هحافظ ع حبي طالما حد يستاهل وهيقدر التنازل ده ..بس ياستي اما بالنسبه لرايك يازكي تسمحلي اقلك انك لو عملت كدا يبقي ماحبتش بجد ولا حسيت الحب ده اصلك هتتخلي عنه بسهوله قوي لمجرد حاجه نسبيه وطبعا ده تعقيب بسيط ع ردك

السؤال الجديد هوووووووووووو

موضوعى معكم اليوم عن الحب المنتهى
فقد يمر اى انسان بقصة حب تطول او تقصر وقصة الحب هذه قد تكون قصه او زواج او خطوبه
او علاقه بانتظار التتويج....

تنتهى لاى سبب ...قد يكون باختيارهما

او قد يكون خارج ارادتهما او قد يكون باختيار احد الطرفين...
او قد تكون لخطأ قام به احد الطرفين مما آلم الطرف الاخر واثر فيه
وقرر انهاء هذه القصه..بشكل او باخر..
صحيح قد تنتهى القصه ولكن يظل الحب بداخل القلوب مده قد تطول او تقصر
ومن ثم يصبح من الذكريات....

سؤالى وموضوع مناقشتى....هو لو انتهت قصة الحب وصارت ذكرى

هل من الممكن ان تعود من جديد ويستطيع الانسان استئناف حياته مع
هذا الحبيب أو الشريك مره اخرى بالرغم من انه قد تكون مرت اعوام كثيره؟

وهل لو عادت العلاقه هل يكون الحب بنفس قوته؟

باختصار هل الحب المنتهى ممكن ان يحيا من جديد؟

سؤال جميل ياديناقوي
هو الاجابه يمكن تكون ع حسب ظروف الشخص وكمان ع حسب ليه الحب انتهي او سابو بعض ليه........يعني اعتقد لو الحكايه خلصت بخيانه او كدب او ان مافيش تفاهم يبقي اعتقد الحب عمره ماهيعود تاني ...اما بقي لو خلصت الحكايه قدر او لان الظروف حكمت بكدا يبقي لو لسه في حب ممكن يعود الحب وده طبعا لو كل طرف لسه محتفظ بحبه للتاني ومافيش حب جديد

حلو السؤال اوي يا دينا
هل من الممكن ان تعود من جديد ويستطيع الانسان استئناف حياته مع
هذا الحبيب أو الشريك مره اخرى بالرغم من انه قد تكون مرت اعوام كثيره؟
انا شايفه انه ممكن جدااااااااااااااا كمان وفي الاول والاخر ده قدر

وهل لو عادت العلاقه هل يكون الحب بنفس قوته؟
ممكن بس لو كانت المشكله اللي سابوا بعض عشانها مشكله ثقه هيرجع بس بالتدريج

باختصار هل الحب المنتهى ممكن ان يحيا من جديد؟
الحب اللي بجدعمره ما بينتهي

ميرسى اووى على المشاركة الجميلة
وميرسى تانى على ردودكم الاجمل
انا اجابتى انه
معتقدش ان فيه حب ينتهى بسهولة كدة
ودا مش كلام اغانى
لان الحب الحقيقى دايما بيعيش
بس يكون حــــــــــــــب صادق وقائم على
الصـــدق والـــعشق والـــتفائل والـــتفاهم
وكمااان لو حصل اى حاجة لقدر الله الحب هيبقى قوى وصامد ضد اى حاجة
ــــــــــــــ

كل سنة وانتم طيبين عيد سعيد
السؤال الجديد هو وياريت الكل يشارك ممكن

كلنا نعرف ان دينا يحثنا على الحب والتسامح مع بعضنا البعض..
لـ ـ ـكــ ـ ـــن.....!!
هل تسامح انسان جرح قلبك ومشاعرك..؟!؟
لدرجة انك ندمت على معرفته؟
وطبعاً هى مش المره الاولى اللي يجرح فيها قلبك ومشاعرك ..
وماذا لوجاء اليك نادما يطلب سماحك..

هل ستعطيه فرصة أخرى..!؟!

هل تغفر له وتنسى الماضي المؤلم وتبدأ معه من جديد؟

أم ترده وتقفل بابك عنه؟؟

وانتى طيبه يا دينا

هل تسامح انسان جرح قلبك ومشاعرك..؟!؟
لدرجة انك ندمت على معرفته؟
بصى يا ستى انا شايفه ان الموضوع ده نسبى وبيختلف من شخص للتانى
وعلى حسب قدره الشخص على التحمل وعلى التسامح وعلى سبب الجرح
ايضا ولكن انا شايفه انه لو الاتنين كانو بيحبو بعض حب صادق وبجد الحب ده مش هيتنسى ابدا مع الايام اى نعم الايام هتمر ولكن يبقى الحب كما هو
وعلى قد ما فيه حب على قد ميبقى فى تسامح وعلى قد بردو ما بيقى فى
عدم قدره الواحد على التسامح فده زى ما قولت حاجه نسبيه من شخص للتانى

وماذا لوجاء اليك نادما يطلب سماحك..
هل ستعطيه فرصة أخرى..!؟!
هل تغفر له وتنسى الماضي المؤلم وتبدأ معه من جديد؟
بصى انا شايفه ان حتى الواحد لو سامح وقال خلاص مفيش مشكله
ويسامح ورجع لحبيبه تانى لكن مهما حصل ما اظن ان الجرح بيتنسى مهما
ايه حصل وخصوصا لو كان جرحا كبير اوى هيفضل موجود معاه

ومعلش طولت اوى عليكى بس برافو عليكى على التوبك الجامد اوى ده
والاسئله الاجمد ميرسى

الله ياساره اجابتك جميله جدا
[color=green]السؤال الجديد[/ color]
الحب بالنسبالك اية والصداقة بتمثلك اية..؟؟

[color=green]أوقات كثيرة نسمع هذه المقولة

::: اللي بعيد عن العين بعيد عن القلب :::

قد يرى البعض منا أن هذه المقوله صحيحه
لأن البعيد عن العين لا نذكره كثيراً فيكون بعيد عن القلب

ولكن قد أرى ويرى غيري أن هذه المقوله خاطئه

::: فالبعيد عن العين بعيد من الفكر ولكنه في القلب :::

أي أن الذي لا نراه قد لا نذكره ولكن تظل مكانته في قلوبنا محفوظه

ياتري اي مقولة صحيحة ؟؟؟؟

:::اللي بعيد عن العين بعيد عن القلب :::
أم
::: إذا العين لا تراك فالقلب لن ينساك :::

اللي بعيد عن العين بعيد عن القلب

لالالالالالالالا خالص البعيد عن العين ممكن ننساهم لفتره معينه
بس ده مش معنا ان مبقاش ليهم مكان فى القلب بالعكس
بس يبقى ليهم مكان واشتياق اكتر كمان من الاول وهما قدامك
وزى ما يقال نحدش بيعرف قيمه حد وقد ايه الشخص ده غالى
عنده الا لما يبعد عنه او يفرقه فلالالالالالالا بالعكس خاااااااااالص
وزى ما ذكى قال هو فى الاجازه منسيش اصحابه
انا كمان الاجازه خلتنى اشتاق لكل اصحابى ودفعتى حبيبى
وقد ايه ايام الكليه والمحاضرات وكل ده كانو وحشنى وبالعكس
بقى كانو فى بالى دايماااااااا

معلش طولت كتيييييييير اوووووووووى كمان بس
اسئلتك ما شاء الله جاااااامده
واستمرى

كل سنة وانتم طيبين
ويارب تكون الايام الجايه احسن واسعد باذن الله تعالى
هبدا مرة تانيه نتناقش مع بعضنا وبارائنا وحواراتنا
ف سؤال اليوم هو
ما هو رائيك بلصداقه بين البنت والولد ؟ وهل توافق ام تعارض ام محايد ولماذا لكل منهم
اتمنى اشوف ارائكم

بصي ياستي او اقولك ياختي زي مابتحبي اهووووووو مش حرماكي من حاجه
بالنسبه للصداقه بين الولد والبنت انا شايفه انها مابتنفعش ف معظم الاحيان ومع اغلب الناس بشوف ان الصداقه من نفس نوعك بتكون ابقي واقوي وكمان بتخليكي براحتك اكتر وتحكي اكتر عن اي حاجه بقي بشوف ان ده ركن هام قوي ف الصداقه عموما فهيكون مفقود كتير بين الولد والبنت فبكدا الصداقه هتختل شويه لان المفروض وانتي مع اصدقائك كانك بتكلمي طبيبك النفسي او بتكلمي نفسك حتي فطبعا ده مش هيكون موجود يعني عشان ماارغيش مش مؤيده قوي لحكايه الصداقه دي بين الولد والبنت ..بس لو في حد كويس ومحترم وبجد زي اخويا يمكن يبقي زميل بس مااقدرش اقول انه هيكون صديق او يمكن يكون اخ بحترمه وبحكيله ع حاجات بس مش كل حاجه هقدر احكيهاله بس
وبجد توبيكك تحفه ماتتاخريش تاني علينا ياستي هو اه المنتدي ميت بس معلش بقي انا موجوده اهو ههههههه

هههههههههههه مااشى مش هاتخر تانى وكلامك سليم

ميرسى اووى ع الاجابات الجميله
السؤال التانى ...
وانت قاعدة ف مرة ورجعت بيك الزكريات الى الماضى وكان فيه الم وجراح وتنازلات ياترا هتندم ع ماضيك ولا هتاخد من قوة لمستقبلك

اكيييييييييد الندم صفه بشريه وكلنا بنحسها وخصوصا لو كانت الذكريات المؤلمه دي من حد كان عزيز علينا وكنا معتبرينه كل حاجه ف حياتنا ..بس ماينفعش نندم ونفضل زي مااحنا مانتقدمش ولا نتاخر ويفضل الندم ماثر فينا فبكدا لازم ناخد من اي حاجه حصلت زمان قوه لمستقبلنا لانه هو اللي جاي هو اللي لسه هنعيسه لو ربنا كاتبلنا يبقي لازم نحاول ع قد مانقدر نقلل اخطائنا ونتعلم م اللي فات

وفي جمله اتقالتلي مره عجبتني قوي
اننا لازم نطلع من اي تجربه باقل الخسائر
واكتر الاستفادات