جوازات اخر زمن واللغة دى لغة مستخدمى النت الروشين يعنى

في إحدي الحدائق العامة:
تامر: خلاص يا مها.. انا حاروح أخطبك بكرة من أبوكي.
مها فى سعادة: بجد يا ( شريف ) قصدى يا تامر ؟ ده حايبقي أسعد يوم في حياتي.
- اليوم التالى فى منزل مها...
والد مها:وانت يا بني عرفت مها منين؟
تامر :من علي الicq يا أونكل.
والد مها:وإيه اللي شدك ليها يابني؟
تامر :أكتر حاجة شدتني في مها إنها روشة, ودايما مكبرة دماغها.
والد مها:طيب يابني, وانت عندك كام سنة,وساكن فين؟
تامر :انا 27-ولد-القاهرة .
[color="]ا: وبتشتغل إيه؟
تامر في صوت منخفض) أنا هاكر يا أونكل.
[color:d624="]والد مهاالذي بدا انه لم يفهم شيئا) يعني بتكسب كام في الشهر؟
تامر :مش كتير يا أونكل.
والد مها:وعندك شقة؟
تامر :لأ.. بس عندي كمبيوتر والسوفت وير علي العروسة طبعا.
والد مها:يعني إيه! وحاتعيشوا فين؟
تامر :ماهوده اللي كنت عايز أقوله م الأول يا أونكل, طبعا حضرتك عارف أزمة الشقق اليومين دول, دي الشقة منهم بالشئ الفلاني,لكن ومها بقي يا أونكل لقينا حل للمشكلة دي. هو حل جديد بس محتاج حضرتك تفتح مخك شوية.
والد مها:إزاي؟
تامر :ببساطة أنا ومها اتفقنا اننا بعد مانتجوز,كل واحد حايروح علي بيته بعد الفرح وبعدين حايفتح جهاز الكمبيوتر بتاعه, وبعدين ندخل في غرفة (شات) خاصة لوحدينا علي النت ونفضل قاعدين لوحدينا لغاية بليل,بعدين نطفي النور والكمبيوتر وننام. وقررنا برضه ان كل واحد فينا يشتري ويب كاميرا علشان نقدر نشوف بعضينا واحنا قاعدين سوا.
والد مها:ماتقولي بقي نوفر تمن الفرح كمان, ونعمله في غرفة(شات) كبيرة أحسن!
تامر :ياه.. فكرة عبقرية.حضرتك طلعت روش طحن يا أونكل. كمان واحد غير حضرتك كان طلب شقة في احسن مكان,وطلب فرح في الهيلتون, و...و...و...
والد مها:عيب يابني احنا بنشترى را... مة.
تامر : :-)
والد مها: # -^=
تامر :طيب يا أونكل انا حاضطر استأذن دلوقتي.
والد مها:بالسرعة دي..
تامر :انا اسف يا أونكل,أصلي ورايا مواعيد مهمة علي انت لا يمكن تتأجل.
والد مها:طيب يابنى(روح ربنا يكملك بعقلك).
وبعد أن انصرف تامر مباشرة اتجه الوالد إلى الهاتف واتصل بإحدى المستشفيات النفسية ليبلغ عن شخص يشك فى سلامة قواه العقلية

هههههههههههههههههههههههههههههههههههه ايه الهنا ده بس يادينا ازاي دي
تامر: خلاص يا مها.. انا حاروح أخطبك بكرة من أبوكي.
مها فى سعادة: بجد يا شريف؟ ده حايبقي أسعد يوم في حياتي
هو تامر ولا شريف بس تسلم ايدك جممممممممممممييييييييييييييييييييييل جدااااااااااا

ههههههههههههه لانها ياروما مش مركزة مع واحد بس يعنى مقضياة