مابقتش بحزن

انا كنت في حالي عايشة بحلم بالامل
كانت حياتي خالية فاضية من الملل
انا كنت شايفة الدنيا جميلة بتضحكلي
انا عمري حتى ما كنت خايفة من حد ممكن يظلمني
كنت عايشة حياة بسيطة مافيهاش تمثيل
من طيبتي قالوا عليا عبيطة حالك بكرة اكيد هيميل
كنت بكدب كل الناس واقول انا عمري ما هتخدع
ازاي قلب مليان احساس عمره مايجرح يتوجع؟!

ومشيت وانا فاتحة قلبي اللي مليان بالحنان
ما استكترتش ابدا حبي على اي حد يكون انسان
ما استحملتش يوم على حد قدام عنيا يكون زعلان

فجاة...لقيت الدنيا غريبة والناس مش هما الناس
حالة بجد عجيبة مريبة اتملكت قلبي الحساس
كدب ,وغش,خداع,تمثيل! اماال فين راح الاخلاص؟!

اديكي اهو خسرتي الرهان واتخدعتي في ناس كتير
يعني الحب والحنان مابقاش ينفع ولا الضمير
بس اكيد حالي مش هيميل ولا هرضى اكون خسرانة
ناس بتنكر الجميل ليه عشانهم اكون تعبانة؟!
خلاص ملكة الاحساس من النهاردة هتتغير
مافيش حب ولا اخلاص الا اللي بجد يتقدر
وخلاص مابقتش بحزن على اي حاجة خسرتها
وبجد كفاية ...كدة احسن ماخلاص الدنيا فهمتها

فى منتهى الروعه والجمال يا ساره وكلماتها تحفه بجد ومعبره جدااااااااااا
على اللى بيحصل والمفروض يحصل

جميييله قوي بجد بجد تسلم ايدك ياساره

ميرسي ليكي يا سوسو ربنا يخليكي يارب
وميرسي ليكي يا ريهام تسلمي يا قمر
ومبروك النجاح ليكوا انتوا الاتنين ويارب دايما ناجحين ومبسوطين

الله يبارك فيكى يا سمسمتى ومبروك ليكى انتى كمان
وعقبال السنين الجايه ان شاء الله

الله يبارك فيكي ياساره ويارب ان شاء الله كلنا ننجح كل السنين الجايه ياااارب

ميرسي يا زكي لردك ومين قالك بس اني مش فرحانة
الحمد لله فرحانة جدااااا ان ربنا وفقني ووفق كل الناس اللي بحبهم ويارب يفرح كل الناس

بجد يا سارة تحفة مالهاش حل تسلم ايديكي وما تيقيش تغيبي عننا كتييييييير كده بكتاباتك الجامدة دي

تسلمي يا شوشو ربنا يخليكي وان شاء الله مش هغيب تاني

لا حلوة
خلاص ملكة الاحساس من النهاردة هتتغير
بس المهم انها تفضل ملكه الاحساس تتغير للاحسن احساسها يزيد للي يستاهلوا واللي ميستهلوش يبقي ليهم احساس برضوا عندك بس مش اكتر من انهم يصعبوا عليكي من الظلم اللي هيشوفوه

ربنا يخليكي يا توتا على الرد الجميل دة والله هو كفاية عليا
وبعدين ربنا مايخلي حد يشوف الظلم لانه احساس وحش اوي ويارب كل الناس تكون مبسوطة
وماتفقدتش احساسها باي حد سواء ظالم او مظلوم