دول اخوات ...هههههههههههه

الكل راح الكل باع... الكل بيكدب الكل خداع
الاخوات والحبايب بيجرحوا وبيقتلوا... ومن الضهر وبيطعنوا
محدش عمل حساب للعشرة وصانها...الكل قوى وقادر والاخوة بيخونها
دول اخوات ههههههههههههه
انتى مالك يا دنيا اتغيرتى عن زمان ..نفسى اشوفك زى زمان
مش زمانى انا ...لا زمن ابويا وجدى وامى وعمى
كان فيكى الاخوة بجد والحب بجد والتضحية بجد
صحيح معشتكيش بس سمعت من عم محسن ابويا
صحيح معشتكيش بس اتحكالى من عم زكى مش انا لا جدى
ومش هينفع اقول يارتنى كنت اتولد زمان...لانى راضى بالقدر وبحكم ربنا على عبده الغلبان
بس لو سمحتى يا دنيا حنى عليا شوية...بلاش على طول كدا اخوات يخونى فيا ورابعض
بالله عليكى يا دنيا نفسى اشوف منك حنية....بلاش كدا دايما مشوفش منك غير جراح واسية
اقولكم على حاجة سر بينى وبينكم...انا ماشى وسايبكم
ورونى بقى فى اهبل غيرى يتخان ويدوق الذل والهوان
لو ملقتوش غيرى هرجع ليكم...عشان تكملوا هوايتكم فيا
فى نهاية كلامى ...كلامى دة من خيالى بعيد عن واقعى ..وممكن يكون من واقعى بعيد عن خيالى
ياللى هتقرا كلامى...وياللى هتقرى كلامى..احكمى انتى علية
فين الخيال والواقع...ولية الاخوات بيخونوا ..اية الدافع؟؟؟؟

يا جماعة اعذرونى لو الكلام مش على وزن و وحدة لانى مكتبتش شعر انا كتبت حاجة زى خواطر ويارب تعجبكم

اولا جميله اوى يا ذكى
لدرجه مش عارفه اقولك ايه بس مجمل الكلام ان دى خلاص بقت الحياه اللى بنعشها
وفيها الكويس وفيها الوحش ولازم نعرف ازاى نتعامل معاهم ونعيش حياتنا ونقدر نواجه كل المشاكل اللى تواجهنا
لان الزمان عمره ما هيرجع تانى

صعبة جدااااااااااااااااا ياذكي واصعب ما فيها انه زي ما سارة قالت هي دي الحياة اللي احنا بقينا عايشنها وفعلا الزمن عمره ما هيرجع ولا ايام زمان هترجع تاني
وبالنسبة لسؤالك فكل الكلام ده واقع ومفيش ولا كلمة منه خيال للاسف

ربنا يخليكم على ردودكم والحمدلله انها عجبتكم لان الصراحة كنت بكتبها على انى بكتب كلام جوايا وبس مفكرتش انة يتقدم كشعر او كلمات جميلة بس بجد متشكر ليكم جداااااااااااااااا

جميله قوي يازكي واحساسها عالي جدا بس للاسف لازم نتاقلم ع دنيتنا عشان نعرف نكمل

لا بجد جميييييييييلة
عارف ليه عشان من جواك وفعلا هي الدنيا كدة ولازم كلنا نتاقلم معاها

ربنا يخليكى يارب يا ريهام انتى وسارة وحمدالله هلى السلامة يا سارة المنتدى كان مفتقدك بجد ومفتقد كتاباتك الجميلة