الحلقه العشرون

موضوع: الحلقه العشرون الأحد مايو 02, 2010 5:02 am

الحلقه العشرون

وفى الاجازه كان اجمل اسبوع راحوا الاهرامات وركبوا الجمال واتصوروا هناك وراحوا القلعه وزاروا حدائق كتير وراحو سينما ومسرح واماكن جميله جدا وفى اخر يوم كانوا اعدين فى نادى وبيتكلموا فجأه ندى قالت انها رايحه تجيب حاجه واعدت سعديه هى وميدو يتكلموا فجأه ميدو بص لسعديه اوى
سعديه : مالك يا ولا بتبصلى ليه جوى كده انت هتاخدلى صوره ولا ايه
طيب استنى اما اظبط نفسى علشان تطلع حلوه
ميدو : انت حلوه من غير ما تظبطى حاجه
سعديه : وىوىوىوى اعتبر ده غزل ولا ايه انت بتغازلنى يا منيل
ميدو : ومغازلكش ليه انتى الوحيده الى تستحقى كده
سعديه :ازاى يا ولا مش فهماك
ميدو : سعديه انا بجد حسيت انى غلطان الفتره الى فاتت دى كلها وانى كنت مغفل اما بصيت لجنى دى وفكرت فيها
سعديه : اينعم الاعتراف بالحج فضيله يا منيل
ميدو : ههههه لا بجد انا فعلا اكتشفت ان الوحيده الى تستحق حبى ده هى انسانه وحده وقفت جمبى وساعدتنى ومتخليتش عنى هى بجد لو اعدت طول عمرى احبها مش هوفيها حقها
سعديه : انا عرفتها اكيد الست الوالده ايوه لازم نحب ابونا وامنا ونخلصلهم
ميدو : لا يا سعديه انتى فاهمه انا بتكلم عن مين
سعديه الانسانه دى هى انتى
سعديه : انا ايه يلا يادى النيله
ميدو : انا بحبك انتى بجد
سعديه فى سرها اخيرا ابو الهول نطج ازغرتله ده ولا اعمله ايه
انت بتجول ايه بتحبنى انا ازاى
سعديه : زى الناس بجد انا عمرى ما شفت الطيبه دى ولا الروح الحلوه وكمان جدعه بجد ومحترمه انا عشت طول حياتى عمرى ما هلاقى زيك
سعديه : بس يا ولا انا كده ممكن اتغر ومش اشوف حد جدامى بعد كده
ميدو : لا هى دى الحقيقه بس انا عايز اعرف شعورك انتى من ناحيتى ايه
سعدية كل ده ومعرفتش متفهم يا منيل امال انا عملت معاك كل ده ليه
ميدو : يعنى افهم من كده انك بتحبينى
سعديه : ما بلاش احراج بجى ايوه بحبك خلاص
ميدو طبعا سعيد جدا وكمان سعديه جات ندى وقالولها على الى حصل وانهم اعترفوا لبعض انهم بيحبوا بعض وان بكره بعد النتيجه هيشوفوا هيعملوا ايه
تانى يوم راحوا يشوفوا النتيجه طبعا التلاته نجحوا وبتقديرات كويسه جدا لكن جنى طبعا لا وبعد اما شافوا النتيجه راحوا اعدوا فى الكافتريا شويه قبل اما سعديه تسافر
ميدو : سعديه انا دلوقتى عايز اروح اخطبك انا ممكن اسافر معاكى
سعديه : لا متتتسرعش كده استنى انا امهدلهم الموضوع الاول
ميدو : ليه همه ممكن يرفضونى
سعديه : مش حكايه يرفضوك انت همه عايزين يجوزونى ابن عمى محمدين وراسهم والف جزمه جديمه ما اخدش غيره
ميدو : لا انا هروح واكلم اهلك واقنعهم
ندى : بص يا ميدو سيبها هى تمهد الموضوع الاول والاهم اننا نخلص من الاستاذ محمدين ده وبعد كده انت تروح تخطب سعديه من غير مشاكل
سعديه : والى لازم افكر فيه دلوجتى هو حاجه وحده ازاى اخلص من محمدين واخليه ينشغل باى حد او يحب اى حد غيرى
ميدو : خلاص انا موافق بس لو معرفتيش تتصرفى اتصلى بيا او بندى واحنا هنحاول نتصرف
سعديه : ايوه انا جبت موبيل علشان اكلمكوا واجلكوا الاخبار اول باول وان شاء الله خير
وبعد اما خلصوا كلام سعديه راحت عند بيت عمها وخدت شنطتها وسلمت عليهم وكان مستنيها تحت ميدو وندى ووصلوها لغايه المحطه ووصلت سعديه البلد بالسلامه تعالوا نشوف حصل ايه الحلقة الجاية يوم الثلاثاء ان شاء الله

يا عينى يا عينى بس احسن حاجه عجبتنى فى ده كله
يا منيل دى زى العسل منها ههههههههههههه
عموما ربنا يتمم بخير واما نشوف هيحصل ايه
بعد كده وهتخلص من محمدين ازاى
وانا مستنيه بقى الحلقات الباقيه

وىوىوىوى اعتبر ده غزل ولا ايه انت بتغازلنى يا منيل
ههههههههههههههههه جامدة اخر حاجة يا اميرة
همه عايزين يجوزونى ابن عمى محمدين وراسهم والف جزمه جديمه ما اخدش غيره
ربنا يستر فى اللى جاى وميحصلش كدا لانى حاسس انة هيحصل كدا

لالالالالالالالالا انا حاسه انهم هيتجوزو
وانا نفسى بقى جنى هى اللى تقع فى ارابيز محمدين ده
ياااااااااااه تبقى جامده اخر حاجه صح؟ههههههههههههه
تخيلو انتو محمدين وجنى مش لايق اساسا الاسامى
ايه اللى جاب محمدين لجنى ههههههههه

طب ندى ملهاش اى لزمه فى الحكايه دى كلها ملهاش قصه هى كمان

الحلقة النهاردة حلوة اوى ممكن نجوز ندى لمحمدين بدل ما هى ملهاش لزمة كدة ونخلص من الاتنين

لالالالالالالالالالالالا الحلقة النهاردة جوها حلو اووووووووووووووي

هههههههههههههههههههههههه
ميرسى جدا يا جماعة على ردودكوا الحلوة دى اللى احلى من الحلقة والله
وانت يا ذكى مش هريحك ومش هقولك ان كان دة اللى هيحصل ولا لا
وتصدقوا فعلا ممكن اخلى ندى خى اللى تقع ف ارابيز محمدين لان فعلا ملهاش اى دور
عموما استنوا الكام حلقة الجايين دول وهتعرفوا ايه اللى هيحصل وان شاء الله خير ويعجبوكوا ياااااااااااااااااااااااااااارب

» الحلقه التاسعه
» الحلقه العاشره
» الحلقه الحاديه عشر
» الحلقه الثانيه عشر
» الحلقه الثامنه