الحلقه التاسعة عشر

الحلقه التاسعة عشر

ميدو : ايه كنتى بتكلمى مين يا جنى
جنى : لا مفيش يا ميدو دى وحده صحبتى
ميدو : مين دى انا اعرف كل صحباتك
جنى : وحده وخلاص انت لازم تعرفها
ميدو : انتى كنتى بتكلمى شاب صح
جنى : انت مالك شىء مش يخصك
ميدو : يعنى ايه مش يخصنى
انتى نسيتى نفسك ولا ايه انا خطيبك
جنى : الخطوبه ممكن تنتهى عادى اتفضل دبلتك
جنى رمت الدبله فى وش ميدو وطلعت تجرى وروحت
ندى وسعديه لا حظوا كده راحوا يشوفوا حصل ايه
ندى : ميدو فيه ايه
ميدو : مفيش الزباله الخاينه هى متستاهلش اصلا انى افكر فيها مفيش يلا نخلص عيد الميلاد علشان محدش يلاحظ حاجه بعدين ابقى افهمكوا
دخلوا طبعا والحفله خلصت بس ميدو طبعا مش مركز فى اى حاجه
تانى يوم راحوا الجامعه ملقوش ميدو ولا جنى
كل يوم على كده لمده اسبوع
ندى فكرت هى وسعديه انهم يروحوا يزوروا ميدو يعرفوا الحكايه وفعلا فى اجازه نهايه الاسبوع راحت ندى وسعديه يزورا ميدو
مامت ميدو رحبت بيهم وندهتلهم ميدو طبعا حالته زفت خالص ومش فى المود
ندى :ايه يا ميدو مالك كده
ميدو : مفيش يا ندى الخاينه لقيتها بتعرف واحد غيرى وبتكلمه
طبعا ميدو حكالهم الى حصل
سعديه : ايه يا ولا دور الدراما ده الى انت عايش فيه وعاملى فيها فيلم درامى ولا مجتل هنادى هى اصلا متستاهلش جوم كده وركز فى كليتك ومزاكرتاك الامتحانات بعد اسبوع ولازم تزاكر وتشوف مستجبلك
ندى : فعلا كلام سعديه صح هى اصلا متستاهلش وحده فكرت فى حد تانى يبقى متستاهلش وهى الخسرانه
سعديه : ايوه وكمان تغنيلها هانى شاكر انما انتى هتخسرى
جوم يلا وبطل الهبل ده
ميدو : ده انا معرفش اى حاجه فى المنهج بتاعنا ولا اى كلمه هدخل الامتحان ازاى
سعديه : انا هعرفك يلا هكسب فيك ثواب بعد المحاضرات نجعد ساعتين فى المكتبه واعرفك الحاجات المهمه ونزاكر سوى
ندى : يلا ياعم حد لاقى صعيديه زى القمر كده تعرفه وتزاكرله
ميدو : انا مش عارف اشكركوا ازاى بجد انتوا احسن اصدقاء شفتهم فى حياتى
وطبعا الاستاذ ميدو بدأ يمارس حياته بشكل طبيعى وسعديه بدات تزاكرله ووقفت جمبه وكان اجمل اسبوع وبدأت الامتحانات ودخلوا اول يوم
ميدو : انا خايف
سعديه : جول يا رب ومتخافش ان شاء الله الامتحان سهل
دخلوا اللجنه ومن حسن الحظ ندى وسعديه وجنى وميدو فى لجنه وحده ازاى محدش يسالنى
ههههههههههههههه
بدأ الامتحان وكلهم بدأ يحلوا وواضح ان الامتحان سهل بس الهانم جنى طبعا اعده مش فاهمه حاجه ولا عارفه تحل ولا كلمه جنى ندهت على سعديه
جنى : سعديه ممكن تقوليلى السؤال الاول
سعديه : طبعا بصوتها كله
لالالالالالالا انا مش بغشش حد بصى فى ورجتك يا ختى
طبعا المراقب جه وسالها فيه ايه
سعديه : عايزه تخلينى اغششها
المراقب طبعا خد الورق من جنى وطردها بره
بعد نص ساعه ندة عليها ميدو
ميدو : سعديه السؤال الاخير ده ايه اجبارى ولا اختيارى
سعديه : يادى الوجعه المهببه الزفت التانى عايز يغش ده انا جايلاله السؤال ده الف مره بس انا بحبه مجدرش اضره
بص يا ولا بص جدامك حل الى تحله مش هغششك من غشنا فى ليس منا واحترم نفسك بجى
ميدو : هههههههههه طيب اوك مش هغش انا خلصت اصلا
طبعا خلصت الامتحانات كلها وكانت اجمل ايام قضوها سوى وكان فاضل اسبوع على النتيجه سعديه قررت انها تقضى الاجازه هى وميدو و ندى وتنزل بعد اما النتيجه تظهر بلدهم فى الصعيد
ونشوف بقى الحلقه الجايه حصل ايه فى الاجازه دى يوم السبت باذن الله

الحلقة النهاردة جامدة جدااااااااااااااااااا يا ميرو وفيها تطورات كتيرة اووووووووي استمري واحنا مستنينك

بجد حلقة تحفة جداااااااااااااااااااااااااااااااااااااااا حاسس فيها بجو جميل من الحب وخصوصا بعد ما جنى غارت هههههههههههههه

حلقه حلوه اوى يا اميره وفعلا هيحصل تطورات بعد كده جامده
ان شاء الله ومستنين يا ستى يوم السبت نشوف هيحصل ايه

» الحلقه العاشره
» الحلقه الحاديه عشر
» الحلقه الثانيه عشر
» الحلقه الثامنه
» الحلقه الرابعه عشر