منتدي شخص عصبي

واحد عصبي جداااا عمل منتدي تعالي نشوف شروط المنتدي

*******************

بصوا بقى انت وهو وهى
من غير سلام ولا كلام انا مش ناقص حد فيكم
انا عملت المنتدى ده وامرى لله
فى قوانين وشوروط علشان تكملوا هنا
كل واحد يقراها كده كويس علشان انا مش ناقص
اقرا انت وهو
(وفى سرك ياخويا عندنا صداع)

1-عضويتك تبقي بأسم محترم و ابن حلال و يا ريت تكون بالعربي
مش هقرف نفسي و أقعد أترجم انا و إلا هتتوقف
و أي حد مش عاجبني اسمه هيتوقف

2-أي رد مفهوم أو غير مفهوم هتتوقف وكمان مفيش ردود علي اي مواضيع
اللي عايز يرد يدفع نص جنيه في الخزنة برة وبعدين يرد
هو ده النظام
وقايمة الاسعار هتنزل قريب
وشوفوا اما اقولكم
التوقيعات ملهاش لازمة مش عايزين توقيعات هنا فى المنتدى

3-تشارك من سكات

4-قسم الفرفشة تكتب تعليق و انت ساكت و مش عاوز ضحك
ولو نكتة عجبتك متضحكش تضحك ليه اساسا مش عايز اسمع صوتك

5-قسم المسابقات تلعب من غير أي هزار

6-ماتقعدش فاتح المنتدي طول اليوم عشان متضغطش علي السيرفر
سيب فرصة لغيرك عشان يتنيل يدخل

7-أي موضوع مكرر أو منقول أو حتي جديد يحذف فورا

8-قسم الشكاوي مشوفش فيه موضوع واحد و إلا تتوقف

9-تخليك في حالك و متتكلمش مع حد من الأعضاء جوة المنتدي أو برة المنتدي

10-ممنوع أي هزار أو تعارف أو تهنئة

11_لو حد ناوى يكتب مواضيع يكتب موضوعين بكتيره اوى
وليه موضوعين هو موضوع واحد بس
ولا اقولكم وليه تكتبوا اصلا؟ محدش يكتب مواضيع


انت ياللي بتزغر بعنيك انت ايوة بتبص عالموضوع بقرف كده ليه
مش عاجبك
طب اعمل حسابك بقي ان مواضيعك كلها مخالفة
ومنتش معتبها تاني
يانا يانت في المنتدي


وبعدين وانت بتقري الموضوع ده تربع ايدك وتنزل ايدك من عالماوس اساسا
وتبص عدل
بلاش التتنيحة دي
ولا رفعة الحاجب

خلاص كده خلصنا