عمرك حسيت

عمرك حسيت إنك مش حاسس....
ماشي على الأرض ومش دايس...
عايش في الدنيا ومش عايش...
شايف قدامك ومش شايف...
عمرك قررت إنك تنسى...
عمرك قررت إنك تقسى...
فكرت ازاي عايش لسا....
عمرك فكرت ما تفكرش....
وتغير حاجه وما تتغيرش....
وتعمل حاجه ومتعملش....
ومشيت ورا نفسك أو ما مشتيش...
عمرك حسيت إنك يائس....
باصص قدامك ومش باصص....
بتكلم نفسك أأأأه جايز....
عايز تتكلم ومش عايز....
عمرك مثلت بدون جمهور....
سقفت لوحدك وسط حضور....
عمرك وقفت في يوم في طابور...
وقلت امتى هيجي عليا الدور...
عمرك فكرت بتفكيرك....
وسألت إزاي عايش غيرك....
عمرك صحيت قلب ضميرك...
وقولت كفايه تسأل غيرك....
عمرك حسيت إنك فاضي....
صابرعلى نفسك أأأه وراضي....
وتقول أهي ماشيه خلاص عادي...
عمرك حسيت إنك هادي...
طب أحس إزاي وأنا مش حاسس...
دايس على الأرض ومش دايس....