حياتنا فى مواقفنا

حلوه الفكره دى يا ذكى

اكيد طبعا استفدنا من حكمه من راجل كبير وعظيم زى الحج اللى قابلته وهى ان الدنيا متسواش حاجه غير اننا نرضى ربنا عشان ربنا يرضى عنا

حلوة اوى اللعبة ديه يازيكو وبجد معاش ولا كان اللى يزعلك
بس انا النهاردة محصلتش معايا حاجة تذكر غير اما روما قلتلنا ف المترو اجروا عشان نلحقوا واول ماوصلنا لباب قالت لا مش هنلحقه روحنا داخلين وساينها والباب اتقفل وهى بره مع ان هى اللى شجعتنا بس

هههههههههههههههههههه

انا حصلى موقف محرج انى انا واصحابى لما جينا نوقف تاكسى
جيت اوقف تاكسى مخدتش بالى وقفت عربيه عاديه سوده كده شبه التاكسى
طب انا عبيطه مخدتش بالى لا لقيت الراجل كمان وقفلى ويقولى نعم
قولتله روكسى كليه تربيه مجاش فى بالى خالص انه عربيه بجد
لقيت الرجل ضحك ومشى اصحابى قعدو يقولولى يا هبله
انتى مش شايفه قولتلهم مخدتش بالى ومن ساعتها
كل ما تيجى عربيه سوده شبه التاكسى يقولولى حسبى يا ساره
دى عربيه مش تاكسى هههههههههه
بصراحه كان احراج احراج

هههههههههههههههههههه والله موقف جامد يا سارة
وانتى كمان يا نهال موقف جامد اخر حاجة

اة كنت هنسى حسبى يا سارة دة مش تاكسى هههههههههههههههه

انا بقى انهاردة الموقف رخم جدا ويخنق انى من الساعة 11 الصبح عمال اقول لاخواتى التلاتة سارة وسندى وتقى يلا نفطر
قالوا ماشى شوية قولتلهم بعدها كدا بشوية على 11.30 قالوا كمان شوية وبعدها نفس الحكاية على 12 وبعدها 12.30 وعدها وبعدها لحد ما جت 5 قولتلهم بس يلا نتغدا قالولى هنروح بقى خلاص ونتغدا فى بيتنا
ودى كان موقف زكى مع الاكل اللى قرر انة يبطلة تمامااااااا

ههههههههههههههههههههه
لا جامده جدا

انا االنهاردة حصل معايا حتة موقف ايه تحفة
كنا قاعدين احنا وصحابنا ف الجوالة ف المروحة باظت قولنا خلاص نروح نقعد ف الفراعنة واهى مننا وعلينا والجوالة والفراعنة واحد
المهم واحنا قاعدين بنلعب حت صاحبتنا وقلتلنا ن المروحة اتصلحت وارجعوا قلنا لا احنا بنلعب والجو عاجبنا
راح جه واحد صاحبنا من دون زكر اسامى(زيكو)
قلنا لا ياجماعة الجوالة بيتكم ومطرحكم وكلام كده معناه بين قوسين يعنى (يلا اتكلوا_اتوزعوا_فارقونا)كده يعنى
والنهاردة وبشهادة الجميع غلط ف اسمى تانى انا والله العظيم نورهان بقى بالزمة مش عارف اسم سكرتيرتك
انا كده هاستقيل

انا بقى حصلى موقف مش محرج بقى انهاردة دة موقف هو الاحراج نفسة


انا اخد من صاحبى اغنية شعبى عجبتنى الموسيقى بتاعتها جدا من الاخر اغنية ترقص الحجر المهم شغلتها على الموبايل وانا موبايلى عاااااااااالى جدا بقى وكنت ساعتها فى المدرج مستنين الدكتورة عشان المحاضرة المهم بقى شغلتها وطلعت فوق البنج وفضلت ارقص وعايش مع الاغنية ومدى ضهرى للباب واذ فجاة الدكتورة دخلت اية بقى اللى حصل الموبايل وقع منى من الخضة وانا وقت من على البنج من الخضة بردو ولما وقعت صعبت عليها ومش عملت حاجة الدكتورة غير انها ضحكت بس انا اللى بقيت عايز استخبى تحت البنج من الاحراج

هههههههههههههههههههههههه
هههههههههههههههههههههههههههههههه موقف تحفه يا ذكى
انت مشغل الاغنيه وعايش مع نفسك ومديهم ظهرك طب اديهم وشك واعمل اللى عايزه بدل اللى حصل ده كله هههههههههههه

انا بقى ركبت المترو انا وسارة وكنا قاعدين نحل اسئلة الكورس ومركزين اوي
وبعدين اذ فجاة بنبص ورانا لقينا نفسنا في العتبة طبعا تنحنا بس الحمد لله انقذنا الموقف
ونزلنا السادات وبعدبن نزلنا مبارك عشان تقى وبلاش اقول اللي حصل بعد كدة

انا بقى شوفت حادثة ع الطريق وانا راجعة وواحد داسته عربيه ومغطؤنة بورق جرايد
بجد كان موقف اول مرة اشوفه ف حياتىواتمنى انها ماتحصلش تانى
مع ان والله كنا جوة الطريق الهادى ومساكن وكده بس معرفش ازاى ده حصل
يالا ربنا يرحمه

انا بقى حصل قدامى موقف دلوقتى
بس يعنى اللى حصل نعمة اختى كانت بتجيب ازازة العصير من المطبخ لمحمود الصغير
وخرجت علشان تديهوله وقعدت على الكرسى وبتدور عليه وهى قاعدة عليه
بصراحة مقدرتش امسك نفسى من الضحك ومسكتهم هما الاتنين تريقة