وايه كماان؟!

لما نحزن بنخاف ندمع لدموعنا تنزل مننا
الجراح صوتها مسمع للقريب والبعيد عن قلبنا
بنحن لناس بعدت عنا وخلاص مبقاش ليهم مكان
نبعد عن ناس بتقربنا وقلوبهم مليانة حنان
بنخاف على ناس بتدمرنا وياما خدعونا كتير
ونحس بقلب اللي كسرنا واللي مات فيه الضمير
نجرح قلب ملهوش ذنب غير انه بس حبنا
نعرف بس قيمة الحب بعد مايضيع مننا
العيب في مين جاوبي يا دنيا من غير غموض
فينا ولا في اللي جرحنا ولا فيكي ولا حد ملوش وجود


ياااااااااااااااه يا ساره فعلا مش عارفين العيب فى مين
فينا ولا فى حياتنا اللى عايشنها ولا فى مين بالظبط
ليه كله مجروح ليه كله مخدوع ليه كله حزين
متعرفيش بس هى دى الحياه وللاسف مكتوب علينا اننا نعشها
وندعى ربنا انه يرضى عننا

مش عارفه اقولك ايه ولا ايه بس بجد منستغناش عن كتاباتك ابدا

معلش يا سوسو هي دي الدنيا بس الظاهر ان العيب فينا احنا بس احنا عاملين نفسنا مش واخدين بالنا

وبجد انا والله بقيت قبل ما اكتب كلماتي في الكشكول بكتبها علي المنتدى عشانك اول واحدة عشان اشوف ردك الجميل
ميرسي يا قمر وربنا يخليكي ودايما منوراني

العيب في مين جاوبي يا دنيا من غير غموض
فينا ولا في اللي جرحنا ولا فيكي ولا حد ملوش وجود
ماتجاوبيش خلاص يا دنيا الجواب بقى مش مهم
فيكي العيب او فينا اللي جاي هو الاهم
واللي جاي دة شكله ايه؟ مين عالم غير اللي خلقنا
يبقى نحزن نقلق ليه مادام ندعيله يجاوبنا!

اكيد مفيش حد هيقدر يجاوبنا فعلا غير اللي خلقنا لانه هو اكتر واحد عالم بينا وباللي فينا ومفيش حاجة في ايدينا غير اننا ندعيه انه يكتب لنا الخير في ايامنا اللي جاية ويبعدنا عن اي حاجة وحشة

بجد يا سارة ما بقاش في كلام ينفع يتقال عن كلماتك دي

ربنا يحققلك كل اللي بتتمنيه يا شوشو ويبعد عنك كل شر

وبجد ربنا يخليكي على زوءك وكفاية انك بس تقري كلماتي اجمل من اي رد

ميرسي اوي يا زكي على ردك الجميل
وميرسي ليكي يا اية على زوءك وهي لو مكنتش واقعية مكنتش هكتبها لان فعلا كل كلمة فيها حستها بجد