الحلقه الرابعه عشر

الحلقه الرابعه عشر
تانى يوم الصبح راحت سعديه الجامعه قابلت ندى وسلمت عليها
وهم قاعدين يتكلموا جات جنى وميدو
جنى : هاى جود مورنينج
سعديه : قال يا جاعدين يكفيكوا شر الجايين جود مورنينج ورحمه الله وبركاته
اهلا ياختى
ميدو : ازيكوا عاملين ايه
ندى: الحمد لله كويسين
سعديه : تعالوا ندخل المحاضره احسن من الرغى ده
ميدو : هى ابتديت
سعديه : نموسيتك كحلى انت بتسال هتبتدى دلوجتى يلا بينا
دخلوا المحاضره واعدوا ميدو الاول وجمب منه جنى وجمبها سعديه وجمبها ندى
دخل الدكتور وبدا الشرح سعديه اعده متغاظه مش عارفه ايه السبب
سعديه : يادى اليوم لاسود ايه الدكتور المهبب ده ده ميت اربع مرات جبل كده
وجاى يموت الخامسه هنا فى وشنا بت يا جنى انتى فاهمه حاجه
جنى : يا ستى ده كله فى الكازوزه محاضره وهتعدى
سعديه : كازوزه الله على ده تعليم انا عارفه ايام بيبسى وسفن اب كمان
بت يا ندى انتى فاهمه حاجه
ندى : والله يا سعديه مش فاهمه اوى بس يلا نبقى نذاكر احنا من الكتاب وخلاص
سعديه : لا والله انا معرفش كده اما يشرح كويس اما يتهبب يموت ولا يشوفله
جبر جبل اما الجبور تغلى وتبجى بفلوس
جنى : ما تسكتى بقى صدعتينى وخلاص عامله فيها عالمه يعنى هتطلعى احمد زويل ياختى
سعديه : والله انا فى محاضره ومش عايزه اازيكى يا كلبه
جنى : انا كلبه
سعديه : ايوه كلبه فعلا كلبه
جنى : طيب انا هوريكى يا انتى
الدكتور شافهم طبعا وهمه عمالين يرغوا وشادين مع بعض
الدكتور : هو فيه ايه انتوا لتنين اقفوا قلولى فيه ايه
سعديه : بصوت واطى يادى النيله هو ميت اصلا ردت فيه الروح علشان يشوفنا
انا جولت انها ايام طين وهباب
جنى : انا معملتش حاجه يادكتور هى الى بتتخانق معايا
الدكتور: من غير سبب يعنى
سعديه : لا يا دكتور بسبب
هى بتجلى انها مش فاهمه منك حاجه خالص وانا علشان بكن لحضرتك
كل حب وتجدير ما استحملتش انها تتكلم
عليك فزعجتلها وجولتلها الدكتور نابغه من نوابغ الزمن فلته مفيش منه اتنين
الدكتور: شكرا يا بنتى ربنا يحميى
سعديه : بصوت واطى وياخدك جول امين
جنى : دى كدابه يا دكتور دى هى الى بتقول كده
الدكتور : اخرسى واخرجى بره
سعديه فرحانه طبعا وجنى بتطرد بره خرجت جنى وبعد اما خلصت المحاضره
راحوا سعديه وندى وميدو الكافتريا كانت هناك جنى
جنى : على فكره انا مش هعديلك الى حصل ده انتى متعرفيش انا بابا مين وخالوا يبقى مين
سعديه : اهدى يا حجه انتى انا ما بتهددش اهدى كده واجعدى خديلك سندوتش
ولا كوبايه عصير تهدى اعصابك
ميدو : هى بتهرج معاكى معلش يا جنى محصلش حاجه
جنى : يعنى انت عجبك الى حصل ده
ندى : معلش بقى
سعديه: بصى يا انتى اوعى تانى تجولى بابا ولا خالى خلخل نيبانك وكسر دروسك ياختى
ميدو: ما خلاص بقى يا سعديه هو فيه ايه
ندى وميدو هدوا الموقف وانتهى اليوم وهمه ماشيين جنى ندهت على ميدو
جنى : ميدو
ميدو : نعم يا جنى
جنى : انا عايزاك فى حاجه مهمه اوى
ميدو : طيب قولى يا جنى
جنى : لا يا حبيبى ماينفعش هنا انا اشوفك فى النادى بقى اخر النهار
ميدو: اوك بس انتى مش تتاخرى
جنى : اوك يلا باى
هنشوف بقى الحلقة الجاية هى جنى عايزه ميدو فى ايه وشكلها الاحداث هتطور والموضوع هيكبر
اما نشوف بقى الحلقه الجايه
يوم الثلاثاء باذن الله

ههههههههههههههههههههههههههههههههههههه
مستنى اعرف

هههههههههههههههههههههه
تصدقي صعبت عليا دي سعديه دي مفتريه اوي

هههههههههههههههههه
اما نشوف ايه اللى هيحصل

» الحلقه الرابعه
» الحلقه الثانيه عشر
» الحلقه الثامنه
» الحلقه الاولى
» الحلقه الخامسه عشر