حاليا بالاسواق

حاليا بالاسواق كدب وغش وغدر وقسوه وفيه ازمه اخلاق حاليا بالاسواق ناس يكفينا الشر بتجرى تقطع فى الارزاق والاحساس مبقاش له قيمه والاخلاص بقى موضه قديمه ولولاد تسعه فى الشر بتسعه ولفين رايحين محنش عرفين ضايعين تايهين مجاريح مساكين عايشين ومش عايشين وجراح تجر جراح قوليلنا يا دنيا فين الدوا عالم رايحه وعالم جايه وعالم تايه فى وسط السوق ونفوس والله تايه وضاله ناس حريفه اكل حقوق الى يحبك علشان عله والى كأنو مسكلك زله والى بيغدر ويا ساتر اسطر لو كان رزقك على مخلوق ولا الصاحب الى ملوش لزمه الى يسيبك وقت الازمه مهما اتهرب بكرة يجرب مهو من نفس الكاس هيدوق غيرة وجرح وظلم يا دنيا ده الى فى الاسواق ناس بتخونك وتذيد جرحك وبتفتحلك جرح قديم وتخون عيشك وتخون ملحك وانت معاهم كنت كريم كنت فاكرهم والله ملايكه لاكن دول طلعو على الرايجه يخطفو حبك وتلاقى قلبك مبقاش فيه ولا جزء سليم تدى حنان يترد قساوة تعمل خير يترد عداوه ناس مش هما زي الغمه منهم يا رحمان يا رحيم غيرة وجرح وظلم يا دنيا ده الى فى الاسواق ناس مخنوقه وناس متضايقه وناس مش طايقه لبعض كلام ناس مرتاحه وفايقه ورايقه ناس تتحايل على الايام ناس جواها الشر بيقوى خلو الحب مجرد سلعه عايز حب وشوق وموده ممكن بس هتدفع كام حتى الحب خلاص راح زمنو بقى ليه سعر وكله بتمنو تدفع اكتر اضحك كركر والمساله مش عايزة علام غيرة وجرح وظلم يا دنيا ده الى فى الاسواق خلق بتسرق عمرك سرقه وعلى الاقسوه ميتوصوش خير تعمل شر تلقى ناس بصراحه ميستهلوش يخدو حنانك ويذيدو همك عايزين بس يمصو فى دمك تفضل تدى وتدى وتدى يفضلو ياخدو ومبيدوش يدخلو بيتك يكشفو ساترك يطلعو برا يجيبو فى سيرتك ضهرك ضهرك وشك وشك دول على السر ميتأمنوش
غيرة وجرح وظلم يا دنيا ده الى فى الاسواق احنا يا دنيا تعبنا يا دنيا واتعذبنا شهور وسنين ياما عاشرنا وعيشنا وشوفنا بنى ادمين مش بنى ادمين شوفت الى قلب بيتدارا فى جهله والى ملوش خير حتى فى اهله والى بيحرم نفسو يا دنيا علشان يسعد ناس تانيين والى محدش ابدا همه والى بينكر لحمه ودمه والى مزعل فيه ابوة وامه وعليه غضبو ليوم الدين غيرة وجرح وظلم يا دنيا ده الى فى الاسواق

ايه ده يا زكي حرام عليك انا بجد خوفت هي الدنبا بقت وحشة اوووووووووووي كده وكل الناس وحشيين ليه هو احنا بقينا عايشين في غابة ولا دنيا
بس برده والله لسه في ناس كويسة برده والا ما كناش لسه عايشين في الدنيا دي بس هي دي الحياة لازم نقابل ونتعامل مع الوحش عشان نتعلم ونعرف قيمة الكويس ونحافظ عليهم اكتر ونحمد ربنا ان احنا لقيناهم ولو لسه ما لقيناهمش ندعي ربنا اننا نلقيهم
ومعلش لو طولت عليك

للاسف يا شوشو الواقع بجد بقينا عايشين فى غابه
بصى فى كل حاجه حوليكى شايفاها ازى
شايفا ظلم ولا عدل شايف فرح ولا حزن شايفه ايه ولا ايه
انا معاكى ان الدنيا لسه فيها خير بس بقى صعب جدااااااااااا
تلاقيه من كتر ما كل حاجه وحشه غطت عليه
دى الاسف اللى عايشين فيه صحيح بتشوفى ناس بتضحك
ومش عارفه ايه بس مين قالك انهم بيضحكو من قلبهم
مين قالك انهم مرتاحين
بس هرجع واقول دى الحياه ولازم نعشها زى ما هى
واحنا نفضل كويسين ومنخليش اى حاجه تاثر علينا هو دة الحل
معلش انا اتكلمت كتير ونسيت اشكرك يا ذكى على كلمات الاغنيه الجميله
والواقعيه كمان