ليه الحب مركز تفكيرنا؟!

موضوع كتير شاغلني وشاغل كل الناس بسال نفسي فيه كتير مش بلاقي جواب

هو الحب كلنا عارفين ايه معنى الحب في مننا الي جربه والي مجربوش في مننا الي بيتمناه
فيه مننا الي شايفه شئ مستحيل صعب الوصول اليه.....والسؤال الي بيطرح نفسه لييه الحب هو مركز تفكيرنا؟؟
هل لاننا احنا في سن مراهقة وطبيعي جدا اننا نفكر فيه,ولا لانها غريزة الانسان انه يميل للطرف الاخر؟
اكيد الحب احلى شئ في الوجود اكيد كلنا بنمر بيه وبنتمناه بس ليه لما الحبيب بيسبنا ويفارقنا بنحس ان الدنيا وقفت
بنحس بمعنى الموت بجد بنضحك ادام الناس وجوانا الاام فظيعة ليه بنحاول ندمر قلوب ملهاش اي ذنب بس عشان
مش قادرين ننتقم من الي فارقنا.....وليه لما بنقابل الحبيب بنحس اننا لسة مولودين مش عايزين نفتكر اي حاجة من ماضينا
مش عايزين نشوف ولا نسمع ولا نتكلم مع اي شخص غيره كان لينا مبادئ وافكار بنتمسك بيها ممكن نتخلى عنها في لحظة
عشان بس هو او هي عايزين كدة وكان اتخلقنا بس عشان الحب دة مع ان في معاني اجمل واطهر بكتير من كدة بس احنا
مش عايزين نشوف غيره!!!

انا حبيت ااخد رايكم في الموضوع وعلى فكرة انا مش ضد الحب اطلاقا بالعكس خالص بس انا حبيت اشوف وجهة نظركم

كلامك صح وهايل والموضوع رائع جدااااااااااااا
وانا عن نفسى ممكن اكون واجهت المشكلة دى فعلا
بس حليتها لما كبرت
بس مش لما كبرت فى السن لانى كنت بواجهها لسة قريب
بس لما كبرت بالتجارب
ولقيت نفسى بحلها من غير ما اخد بالى
انى حولت الحب اللى جوايا دة لمركزة الصح
هو لربنا وبابا وماما واخويا
وكل اخواتى واصدقائى وبس ولقيت دة افضل حب فى الدنيا
واللى حابب بقى اقولة ان الحب مش لازم نستعجلة ولازم نختارة فى الوقت الصح ولازم نعرف قيمة الارتباط
واللى لازم نعرفة اكتر ان مفيش شىء اسمة ارتباط عاطفى
لكن فى خطوبة كتبت كتاب جواز ودة اللى مجتمعنا يعرفة ودينة

وبجد يا سارة مش عارف اشكرك ازاى الموضوع هايل واسف للتطويل بس لان الموضوع رائع فعلا

ميرسي على ردك ورايك الي يمكن يكون صح بس مش كتير الي بيقتنع بيه
ويمكن يبقى فيه حب قبل الارتباط بس يبقى مبني على الاحترام والصراحة والوضوح
ومفهوش شئ يغضب ربنا ولا فيه اهانة لينا وشئ نندم عليه بعد كدة غير كدة يبقى الحب اسمى معاني الوجود

انا معاكوا انتوا الاتنين في رايكوا
يعني مع زكي في موضوع ان لازم الحب يكون لمركزة الصح لبابا وماما وصحابنا واخواتنا
وكمان الحد اللي هنكمل معاة حياتنا دة اضافة لزكي بس

ومع سارة ان ممكن يبقي في حب قبل الارتباط الرسمي وبيكون مبني علي الاحترام والصراحة والوضوح

ميرسي يا توتا على الراي الدبلوماسي دة راي مقنع وواضح وفي محله
وهي دي تقى متحبش تزعل حد

مش موضوع مبحبش ازعل حد
لاني اصلا قولت اني مقتنعتش براي زكي كلة مثلالما قال

واللى لازم نعرفة اكتر ان مفيش شىء اسمة ارتباط عاطفى
لكن فى خطوبة كتبت كتاب جواز ودة اللى مجتمعنا يعرفة ودينة

اقتنعت اكتر لما انتي قولتي انة ممكن يكون في لما يكون مبني علي الاحترام

ماشي يا تقى وبعدين انا اللي بقتنع برايك في كل حاجة

اولا موضوع تحفه يا ساره وانا بحيكى عليه
وانا شايفه ان الانسان اساسا بطبيعته وعريزته محتاج للحب
فى كل حاجه ومينفعش نعيش من غيره
ومش لازم يكون حب واحد لوحده لا حبنا اولا لربنا ورسوله واهلنا واصحابنا
حتى الناس اللى منعرفهاش بنحتاج يحبونا ونحبهم
اما فى حكايه الحب بين واحد وواحده هو ممكن يبقى فى ارتباط عاطفى
بس لازم يكون بينهم احترام وخوف من ربنا والالتزام بتعاليمه
بس لازم طبعا يكون نهايته الجواز
وتانى مره ميرسى يا سمسمه على السوال الجامد ده