لو بقيت رئيس الجمهوريه هاتعمل ايه؟

السلام عليكم ورحمه الله وبركاته
ازيكم ياشباب اكيد الفكره دي طرات في بال بعض الناس وده من الاحوال اللي بنشوفها فعقلنا بيدلنا علي افكار وطبعا بنقول
اه لو في ايدي حاجه ..............اه لو كنت انا اللي حاكم البلد دي ............ ياسلام علي كنت هاعمله كنت هاسوي الهوايل وهاعمل اللي مايتعملش و.........و...... و..........
ياتري بقي لو الفرصه دي جتلك وفعلا ربنا منحك منصب رئيس الجمهوريه كنت هاتعمل ايه ياتري
ياتري هاتخرب البلد وتقول وانا مالي
ولا هاتصلح حالها
وانا هابدا كنت هاوفر لكل مصري وظيفه ومش هاسيب حد عاطل ابدا
بس اللعبه دي في سركو ماحدش يبلغ عني ده انا غلبانه
ههههههههههه
يالا عايزه اسمع اللي كان هايعمل واللي نفسه يغير حاجه يغيرها هنا وادينا بنحلم

ايه الرد الدبلوماسي ده يا زكي انت فعلا شايف ان البلد مش ناقصة حاجة وانهم عملوا كل حاجة ولا انت خايف تتكلم بصراحة لا تروح ورا الشمس اتكلم ما تخفش وراك رجالة
هههههههههههههههههههه

اولا اسفه ع التاخير في الرد بس الجهاز بتاعنا كان في الانعاش بجد كان خرب بس الحمد لله اتصلح
ثانيا ميرسي ليك ياذكي وانتي كمان ياكات علي مروركم وفعلا ردك دبلوماسي خالص ياذكي ممكن فعلا يكونو عملو حاجات كويسه للبلد بس ماعملوش كل حاجه ده في ناس اقل حقوقها مش واصلها اللي هو الاكل والشرب ويعيشوا في مكان كويس انت مش بتشوف برامج ولا ايه فمابالك في الحقوق الانسانيه زي الديقراطيه والكلام اللي بنقراه ده بجد في حاجات كتير عايزه تتغير في البلد ومش عارفين العيب من مين بس اللي انا حاساه انه مش من مصدر واحد اكيد احنا بسكوتنا شايلين جزء من المسؤليه ولازم نتغير
اه صحيح تقدر تقولي ليه الرئيس المبجل راح المانيا عشان يعمل عمليه في قمه التفاهه زي استئصال المراره ومافضلش في بلده يستعسن بخبره الدكاتره المصريين اللي بيروحو بلد غير بلدهم لانهم مش لاقين الفرصه وده غير المدرسين والمهندسين ................الخ بجد شباب البلد بيتسرب ببط وده عشان مافيش فرص وجاي تقولي مش هاتعمل حاجه عشان هما عملو كل حاجه
انا اسفه لو الرد كان صارم بس بجد الواحد معبي وكنت محتاجه اتكلم باستفاضه