كوكتيل احزان
شويه جرح على حبه حزن
مش حمل انسان
شويه عذاب على حبه ظلم
وادينى شربت كوكتيل احزان
ييجى حبيب بالسهل يسيب
حبيب العمر وحضن حنين
يجرى العمر اقول ده نصيب وعليه بيكون دمعى هين
ايام الهوا تضيع فى الهوا
وقلبى بنار الغدر انكوا
فيه الم يحتمل..والم لا يحتمل
وانت امل اصبح الم..لكن امل لا يحتمل
قولت حظى..قولت بختى
وافتكرت انى نسيت
خدنى عقلى وانا لوحدى
وعلى عمرى اللى ضاع بكيت
بحر دموع بيسيل ع الخد..يظلمنى كل خلق الارض
يائنسنى دمعى طول الليل..يصرخ قلبى انا من كتر الويل
واخسر انسان فى طبعه الكدب وهو خسر قلب عرف معنى الحب
مع الايام هتشرب من نفش كاسى..وتعرف اد ايه انك قاسى
وتبكى عليا
حتى البكا ما ريحنى
تعالى عليا
واظلم فيا واجرحنى
عشان اكون الانسان اللى داق وشرب
كوكتيل احزان