زي بعضه

كل يوم بيعدي عليا بشوف فيه العجب
كله بيجرح كله بيخدع مش عارفين ايه السبب
ماشين بنخبط ونلخبط واهو كله محصل بعضه
هو جرحني وانا جرحته هتفرق ايه زي بعضه
دي بتحبه عشان محتاجة بس الحب
مش فارقة يعني يجرح يخدع ولا فارقة معاها الكدب
هو حاببها عشان جمالها يتباهى بيه ادام الناس
بيضحك عليها بالف حيلة ماهو معندوش احساس

شوفت اتنين بيحبه بعض وعدوا بعض بالف وعد
ادام الناس ملايكة عايشين اجمل حياه
وهي بتخون قلبه بتحب واحد من وراه
وهو عايش الف قصة ومعاها ملاك في هواه
يبعدوا يقربوا مش فارقة ماهو عارفها وهي عارفاه

شوفت صاحبه خانت صاحبتها عشان حبيبها
اصله عاجبها ماهي شافت في عنيه انها عاجباه
وهي كمان عارفة القصة عاملة نفسها مش فاهماه
واهي عايشة وياه ومعاها مفيش مشاكل مفيش مانع
الكل عايش في السراب الكل عامل مش سامع

مالك يادنيا جرالك ايه مالهم ولادك عايشين ليه
فوقوا وحسوا انكوا عايشين افهموا بقى معنى الحياه
اثبتوا انكوا بني ادميين وشوفوا الكون مين سواه
بس هيفيد بايه ندايا لو حتى طالت سنين
لا انا بتكلم ولا صوتي واصل ما انتوا اصلا مش سامعين!

حلوة اوي ياسارة
فعلا كل بقي بيضحك علي بعضه وبيخدع ويغش بعضه والمشكلة ان الكل عارف وبيعمل نفسه مش واخد باله بس ياتري العيب فعلا في الزمن وان لازم الواحد يبقي كده عشان يعرف يعيش ولا الناس اللي بقيت وحشة

الله عليكي ياساره بجد جميله قوي واحساس الحزن فيها واصل قوي لينا وكمان قريبه قوي من مواقف الحياه وبجد بقي كله زي بعضه

ميرسي يا شيماء على ردك وطبعا الواحد مش لازم يبقى وحش عشان يعيش
ولا الناس كلها وحشة في ناس كتير كويسة بس المعظم لينا والظاهر بقى كله خداع

وميرس ليكي يا ريهام على ردك الجميل

حلوة اوى اوى بجد هايله

ميرسي يا زكي كتير دة من زوئك وطبعا مش احلى من ابداعاتك
وميرسي يا نونا على زوءك
وميرسي يا سوسو يا قمر وعلى رايك هنعمل ايه
وميرسي ليكي يا اية على ردك وياريت بجد دة يكون حلم مش حقيقة

حلوة اوي

بس يارب متكونيش تقصدي اللي قولتلك علية قبل كدة

ميرسي يا توتا على ردك
وطبعا مقصدش خالص الي انتي قولتيلي عليه وانتي في عيني وفي قلبي اكبر من اي حاجة

ميرسي ربنا يخليكي يا اميرة والله دة بس من زوءك

ميرسي ربنا يخليكي يا اميرة والله دة بس من زوءك