asmaa adel نغرتارى المنتدى
عدد الرسائل : 268 العمر : 33 تاريخ التسجيل : 21/04/2009
| موضوع: خطيب و خطيبته بيحبو بعض اوى اوى اوى الثلاثاء يناير 05, 2010 2:55 am | |
| شوفو الحوار جاااااامد ده بين الاتنين مخطوبين بس طبعا مش حقيقى ده للفرفشه بس
الخطيب : بحبك ( يا بااااااي )
الخطيبة : وانا كمان ( داهيه تاخدك )
الخطيب : من اخر مره وانا بافكر فيكي ( يارب تغوري من وشي )
الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )
الخطيب : امال فين حماتي مش شايفها يعني ( الحربايه الكبيره )
الخطيبة : موجوده اندهها لك ( علشان تسم بدنك )
الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )
الخطيبة : ماما تعالي كلمي ( علي الله تقولك حاجه ترفع لك الضغط )
الخطيب : اهلا يا حماتي ازيك ( الهي ما تكوني بخير )
الحماة : اهلا يا خطيب بنتي ( بلا نيله )
الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )
الحماة : الف مبروك يا حبيبي ( ياما جاب الغراب لامه )
الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )
الخطيبة : وماله طبعا لازم نشوفها ( اكيد قد الحق وفي منطقه معفنه )
الخطيب : علي فكره يا حماتي ( جتك حمه )
الحماة : ايه يا خطيب بنتي ( خطيب الشوم والندامه )
الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )
الحماة : وماله يابني بس مش لسه بدري ( جتك نيله مستعجل علي ايه )
الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )
الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )
الخطيب : طيب يا حماتي انا حامشي دلوقتي ( افففففف انا اتخنقت من الوليه دي )
الحماة : ماهو لسه بدري ( في ستين داهيه )
الخطيب : باي يا حبيبتي ( حبك برص )
الخطيبة : مع السلامه يا حبيبي ( البلد اللي تودي )
الخطيب : كلميني في التليفون ( يا رب يقطعوا الحراره )
الخطيبة : اكيد يا حبيبي ( غور بقي )
اتفرجوا علي قمة الحب
| |
|
Mero شـــــــهــــــــرزاد المنتدى
عدد الرسائل : 570 العمر : 33 تاريخ التسجيل : 18/04/2009
| موضوع: رد: خطيب و خطيبته بيحبو بعض اوى اوى اوى السبت أبريل 24, 2010 2:22 am | |
| هههههههههههههههههههههه حلو اوى الحوار دة يا سمسم بس تصدقى ممكن الحوار اللى عن الحما دة هو اللى يكون من القلب فى معظم الاوقات تسلم ايديكى يا جميل | |
|
small dream مشرف منتدى اد الدنيا
عدد الرسائل : 684 العمر : 32 تاريخ التسجيل : 03/08/2010
| موضوع: رد: خطيب و خطيبته بيحبو بعض اوى اوى اوى الثلاثاء أغسطس 17, 2010 2:14 pm | |
| هههههههههههه لاء بجد هيموت فى حب بعض ههههههههههههه يعنى الاتنين هيعملوا اكتر من كدة عشان يعبروا عن حبهم الجميل | |
|