هل الغيرة دليل الحب؟

ليست الغيرة دائما دليل الحب فاحيانا تكون دليل اشياء اخري
(بعيدة تماما عن الحب)

1-عندما تغار المراة...تبكي
وعندما يغار الرجل...يصمت
2-عندما تغار المراة تكره الرجل
وعندما يغار الرجل يكره نفسه
3-احيانا......
يغار الرجل علي مراة تحبه حتي لو لم يكن يحبها....
وتغار المراة علي رجل يحبها حتي لو لم تكن تحبه
4-اجمل انواع الغيرة
غيرة الحب...
واسوا انواع الغيرة...
غيرة الحقد
5-من بوادر الغيرة
اشتعال المراة
وانطفاء الرجل
6-ما اعظم الفرق بين الغيرة والشك....
ومعظم حالات الغيرة بين المحبين يكون مصدرها...الشك
6-اذا ضبطت نفسك متلبسا بالغيرة "علي" انسان ما فتفقد احاسيسك جيدا فقد تكون في حالة"حب" وانت"لا تعلم"ب
7-واذا ضبطت نفسك متلبسا بالغيرةر"من" انسان ما فطهر احاسيسك جيدا فقد تكون في حالة"اثم" وانت" تعلم"ب

8-انتبه!!لاتخنقهم بغيرتك
اذا كنت تحرص علي بقائهم معك
فقد تخسرهم للابد
وانت لا تعلم


ياريت كل اللي يدخل يقول ايه رايه في الموضوع وهل فعلا الغيرة دليل علي الحب ولالا وهل هو بيغير ولالا ويحب انه يتغار عليه ولالا؟
وهل الانسان لما بيغير علي شخص ده يعتبر عدم ثقة في الشخص ده ولا عدم ثقة في النفس؟

اولا انا شايفه ان الغيره دليل على الحب والحب من غير غيره مينفعش الغيره عامله زى التوابل اللى فى الاكل من غيره

تبقى اكله وحشه وبحب يتغار عليا بس مش اوى يعنى مش الدرجه اللى تخنق

انا شايفاها لا ده ولا ده يعنى مالهاش دعوه بعدم الثقه هو بيبقى غصب عن الشخص ده

لانه بيحب الشخص اللى بيحبه اىن كان ان يكون معاه دايما ويهتم بيه وبس

شكرا ياسوسو علي ردك وفعلا كلامك صح اللي يحب حد لازم يغير عليه بس بحدود

موضوعك جميل يا شوشو
انا عن نفسى مش غيوره او بغير بسيط
ومن رائى للبنت مفيش داعى انك تغيرى على حبيبك
وحطى دايمآ فى دماغك ان كل البنات قدامه بس هو اختارك انتى بالذات فمفيش داعى للغيره
بس الغيره طبعآ دليل عالحب
واى شخص يحب يتغار عليه.

انا شايفة ان الغيرة دليل على حب جامد وان الحب من غير غيرة بيكون مش محسوس من اللى قدامك بس انا نفسى اتخلص من الغيرة اللى عندى عشان انا مش بحب الصفة دى فيا وطبعا احب انة يتغار عليا واقلل من غيرتى على اللى بحبهم واولهم صحابى

شكرا يانشوي انتي وسارة علي ردودكوا

انا شايقه ان الغيره دي احلي حاجه في الحب من غيرها بحس ان مافيش مشاكل واحلي حاجه في الحب المشاكل (مش دايما يعني) بس اللي مش بيغير بتبقي حاجه وحشه قوي علي الاقل بيحسسك بقيمتك وهو كمان بيحس انه روميو بقي وحبيبته بيغير عليه واكيد البنوته كمان بتحس انه اجمل واحده في الكون

انا بقى انا اما الراجل بغيير ع المراة ده عشان حب التملك ف اغلب الاحيان لانه شايف انا الحاجة ديه بتاعته ومش لازم حد ياخدها منه حتى لو ماكنش بيحبها وقليل اوى اما تلاقى حد بيحب حد وبيغير عليه عشان هو خايف عليه او لانه بيحبه وبس
وفى احيانا نفس الكلام للمراة