ساعات كتير بسال نفسي احنا ليه عايشين
هي ايام بنقضيها بالطول والعرض
ولا احنا ايه ومين وليه انا عايزة رد
الكل بايع ضايع خاين وزمانا خلاص اتهد
ولا الكل ملاك000مش باين!محتاجة رد
عايشين بس مش عارفين احنا عايزين ايه
راضين ومش راضين والحل هيبقى ايه؟
بنشوف عيوب الناس وعن عيوبنا عيونا بتعمى ليه؟
خايفين وقلوبنا حجر كارهين كل البشر حد يفهمني ليه؟
نمشي في طريق الغلط الي نهايته الهلاك
وبمليون حاجة نقنع بيها قلوبنا علشان نبان ملاك
بتخدع مين يا ابن ادم ولا بتضحك على مين
اذا كنت بتخدع نفسك يبقى انت عايش ليه
ولا بتضحك ع الناس والكل راضي ليه
ومهما تكدب ولا تخدع ولا تبان زي الملاك
مش هتقدر تخدع ربك الي فوق كل البشر
الي ياما بقدرته لين قلوب زي الحجر
مش عايزاك تبان ملاك000على الاقل كون بشر