شارك برايك

ياريت نشارك بعض في حاجات كتير في حياتنا ومواقف يمكن نستفيد من بعض ودي اسئله ممكن تهم سننا اوي وياريت لو كل واحد يسال عن اللي بيفكر فيه


ايه رايكم في
1-الزواج التقليدي
يعني الحب بيتولد بعد الزواج فعلا والا ده كلام بس
2-الارتباط لسن اقل من 20سنه
طب لو جيالك ابنك او بنتك وقال انه بيحب هتعمل ايه؟؟
3-الصداقه الحقيقيه
4-ايه رايك شايف في تناقضات في الواقع اللي بنعيشه ؟؟
طب ايه هي التناقضات دي؟؟
وياريت الكل يدخل ويقول رايه

-الزواج التقليدي
يعني الحب بيتولد بعد الزواج فعلا والا ده كلام بس
الزواج التقليدي انا ضد ان واحد يجي يتفرج على البنت وكانها شئ بيتباع وبعدين يقول رايه
بس ساعات الزواج دة بينجح لو في توفيق ربنا وتوافق بين الطرفين فدة بيبقى توفيق ربنا


2-الارتباط لسن اقل من 20سنه
انا مش مع الارتباط في سن صغير لا ن تحت العشرين بيبقى مراهقة ومحدش
بيعرف يحكم على مشاعره والي انا واثقة ومتاكدة منه ان حب المراهقة مش بيدوم


طب لو جيالك ابنك او بنتك وقال انه بيحب هتعمل ايه
طبعا يعني هكون صديقة ليه او ليها بالعكس هبقى مبسوطة جدا اني هكون صاحبتهم
مش هكون ابدا عنيفة معاهم بس اكيد هخلي بالي منهم وهحافظ عليهم

3-الصداقه الحقيقيه
اجمل حاجة في الدنيا هي الصداقة ودة الي بيحببني في الدنيا وفي حياتي
لاني فعلا انا بمتلك اجمل اصدقاء في الدنيا بس للاسف هي مش موجودة كتير


4-ايه رايك شايف في تناقضات في الواقع اللي بنعيشه ؟؟
طب ايه هي التناقضات دي؟؟
طبعا في تناقضات رهيبة في الواقع وخصوصا الايام دي
وهي ممكن ان الناس معظمها بقت منافقة مش عارفة هي عايزة ايه
من برة غير جوة قلبهم فاكرين نفسهم ملايكة مش بيواجهوا نفسهم ابدا بعيوبهم
دايما شايفين الناس كلها مليانة عيوب وهما ملايكة
الحب بقى فيه تناقض الي بيحب بيبقى اناني بيبقى ظالم ودة الي خلى الحب مبقلوش معنى في حياتنا
فاهمين انه مجرد ان الناس تقول دة بيحب ودي بتتحب مش اكتر


اية معلش طولت عليكي بس بجد اسئلة في منتهى الروعة تسلمي يا قمر

الزواج التقليدي

انا بفضل الزواج اللى بيقوم على ان كل واحد يكون عارف التانى مع ان بردو الشخص مش بيبان على حقيقته الا بعض الزواج بس بردو مش هتجوز عميانى يعنى زى ما بيقولو اهو عريس والسلام احسن من مفيش

يعني الحب بيتولد بعد الزواج فعلا والا ده كلام بس

ايوه الحب بيتولد بعد الجواز مع العشره بقى وكده وبيبقى احلى حب كمان

2-الارتباط لسن اقل من 20سنه

لا مبرجحوش الارتباط الارتباط المفروض يبقى بعد ال20 عشان يكون فى نضج فى كل حاجه ويبقى فى فرص اكتر للاختيار السليم للشخص المناسب لكن اقل من عشرين دى اساسا فتره مراهقه ومعروف ان المشاعر متذبذبه مش مستقره فهتكون اكتريت الاختيار غلط وعشان كده بيبقى فى قصص حب فشله فى الفتره دى

طب لو جيالك ابنك او بنتك وقال انه بيحب هتعمل ايه؟؟

يااااااااااااااه هقعد اتكلم معاهم واخليهم يحكولى وانصحهم يعملو ايه لان محدش هيفدهم قدى ساعتها

3-الصداقه الحقيقيه

احلى حاجه ان يكون ليك صديق حقيقى بيحس بيك ويشاركك فرحك وحزنك وعاك دايما ينصحك بس للاسف ده مش موجود كتير دلوقتى بس ده مش معناه انه مش موجود لا موجود بس قليل

4-ايه رايك شايف في تناقضات في الواقع اللي بنعيشه ؟؟
طب ايه هي التناقضات دي؟؟

طبعا دا احنا فى عالم المتناقضات وكل حاجه ممكنه بقى مفيش حاجه مستحيله
عالم مليان بالمشاكل اللى ملهاش اول من اخر وللاسف مبتتعلجش
فى حاجت كتير متناقضه فيه الحلو والوحش فيه ابيض واسود
فى ناس صادقه فى مشاعرها فى ناس خداعه لكل اللى حواليها
من الاخر الزمن اللى احنا فيه فيه اى حاجه ممكن تتصورها

توبك حلو اووووووووووى يا ايوى ميرسى يا حبيبتى على التوبك

ميرسي ليكي ياسوسو وميرسي ليكي ياساره على مروركم
والله حسستوني ان الدنيا بخير وان في حد اهتم بالتوبيك ده

هههههههههههههههههههههههههه
لا والله توبيك حلو جدااااا بس الناس هي الي مكسلة ترد لان الاجابة كتيرة
مش اكتر بس والله هو رااااااااائع

ههههههههههههههههههههههههههههههههههههههه

لا طبعا زى ما ساره قالت هو عشان الاجابه طويله

وايه يا ستى احنا الاتنين مش عجبينك اتنين ساره بحالهم مش عجبك هههههههههههههههههههه

الزواج التقليدى انجح زواج طبعآآآآآآآآآ
وانا بنصح كل واحده انها تتجوز تقليدى احسن لها
والحب بيجى بعد الجواز من العشره طبعآ
ثانيآ الارتباط قبل سن العشرين فاشل طبعآ ومالهوش فايده.
ثالثآ انا مش هبقى ام هاى وفرى خالص ومش هسمح لابنى او بنتى انهم يتكلموا معايا فى الحب
رابعآ الصداقه الحقيقه غالبآ بتكون بين بنت وولد
خامسآ حياتنا كلها تناقضات.
ميرس ليكى يا ايرو فروتى

لا طبعا ازاي ياساره هو انا اقدر اقول حاجه
وميرسي ليكي يانشوى على ردك
بس انا مش معاكي ان انجح صداقه هي صداقة الولد والينت وبالذات في الوقت اللي بنعيش فيه ده
وفيه كل شئ شبه بعضه واختلطت علينا الامور

ايه رايكم في
1-الزواج التقليدي
يعني الحب بيتولد بعد الزواج فعلا والا ده كلام بس
والله مش ثابت ممكن يتاقلمو وممكن لا
2-الارتباط لسن اقل من 20سنه
طب لو جيالك ابنك او بنتك وقال انه بيحب هتعمل ايه؟؟
اقل من 20 سنه مش عارفه ممكن اقوله يفكر شويه ولو مقتنع خلاص
لكن بنوتى لا هتبقي صغيره مش عارفه ممكن
3-الصداقه الحقيقيه
مفيش اجمل منها لما تكون صدقتك او صديق يكون واقفه معاكى هتبقي اكيد الحياه احلي وفيها نبض لان الحياه من غير اصدقاء ساكته اووووووي
4-ايه رايك شايف في تناقضات في الواقع اللي بنعيشه ؟؟
اااااااااااااااا في تناقضات
طب ايه هي التناقضات دي؟؟
ممكن الغرب بدء يلتزم بحاجات واحنا بنتخلي عن حاجات
زي سلم كده هما بيطلعوا واحنا بننزل
والله واعلم