يا شعراء المنتدى .... اتحدوا

ازيكم يا فراعنة
انا النهاردة جاتلى فكرة واحب اعرضها عليكم
انا ملاحظ ان الشعراء فى منتدانا العزيز (ماشاء الله نمسك الخشب) نشاطهم الأدبى زايد شوية
وملاحظ ان التواضع عندهم واخد حقه وزيادة
فحبيت ان كل واحد ياخد حقه
وقلت نعمل حاجة زى مسابقة او استفتاء
والكلام ده هيكون بصفة دورية كل شهر
انا بس بطلب من اللى عايز يشترك ( وطبعا هما كتير)
انه يحط هنا فى الرد قصيده او خاطرة او........... بس بدون اى كلام اضافى
بشرط ان لكل عضو موضوع واحد بس
واللى عايز يقول اى كلام تانى يكتبه فى رد لوحده
لكن القصيدة المشاركة تكون فى رد لوحدها
ويستحسن ان المتسابق يكتب اسمه قبلها بين قوسين
المسابقة دى هاتكون لمدة شهر اكتوبر
القصايد كلها هاتكون فى الموضوع ده
وسيتم وضع القصايد لمدة 20 يوم
يعنى اخر ميعاد يوم 20 أكتوبر الساعة 12 بالليل
وبعد كده سيتم وضع اسماء كل المشاركين فى استفتاء للتصويت على الشاعر المثالى للمنتدى فى شهر أكتوبر
وسيكون التصويت متاح لجميع الاعضاء بما فيهم المتسابقون
وطبعا كل واحد له صوت واحد بس
التصويت هايكون من يوم 20 اكتوبر ليوم 31 اكتوبر
بعدها هانعلن النتيجة وانا هاتفق مع زيزو علشان يكون فيه جايزة كبيرة للشاعر المثالى
مستنى المنافسة الجميلة والمشاركات
ياللا يا جماعة

ها يا جماعة مين اول واحد هيشارك

(سارة)

اصعب شئ

اصعب شئ انك تكون مدبوح ولا حد حاسس بيك
واما تكون مليان جروح والكل جاني عليك
واما تحس انك لوحدك حتى وانت في وسط الناس
لما الحزن يملى قلبك تضحك وتداري الاحساس
اصعب شئ لما تلاقي في وقت حزنك الكل بيبقى ضدك
واما تكون في وقت الفرح الكل بيبقى جنبك
بتحارب بكل ما فيك عشان تداوي جروح الناس
واما يشوفوا دموع في عنيك ما تلاقيش منهم احساس
اصعب شئ لما تبعد من سكات من غير لوم من غير عتاب
ترحل وتزرع في قلبك مليون الم مليون عذاب
لما تعيش زي الملاك وسط وحوش من البشر
لما تدوق طعم الهلاك من قلوب زي الحجر
ومهما الدنيا تقوى وقسوتها عليك تزيد
لازم تكون اقوى تبدا حياتك من جديد
ترسم في عيونك ضحكة ما تكونش في يوم وحيد
مش هنعاند في الزمان مش هنقول مين اللي خان
هنقول مين اللي حب مين اللي جوة القلب
هنقول مين اللي صان ومين لسة انسان

بجد مش عارفة اشكرك ازاي على الفكرة الجميلة دي وانا اول متشاركة في المسابقة
ومستعدة للمنافسة الجاااااااااامدة دي ومتقبلة اي نتيجة المهم اني اكون معاكم ويارب القصيدة تعجبكوا

ان شاء الله تعجب كبل اتلاعضاء وانا منهم
ومنتظرين بقية الشعراء

» الى من دخل على المنتدى يوما ما
» ايه رأيكم فى شكل المنتدى الجديد؟
» اشراف المنتدى يا جماعة
» عاوزين نشتغل فى المنتدى
» شجره المنتدى ادخل وسجل اسمك