حتى ابليس هاجر من مصر

على باب احدى السفارات.. لمحت ابليس و ف ايده استماره..

بقوله على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..
ψ ψ ψ ψ ψ ψ ψ
دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..
ψ ψ ψ ψ ψ ψ ψ
بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..
ψ ψ ψ ψ ψ ψ ψ
يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .... ولا كمساري ف اتوبيس..
ψ ψ ψ ψ ψ ψ ψ
يا عم ده انا زمان

كنت استنى حد ينسى يسمي وهو بياك لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..
ψ ψ ψ ψ ψ ψ ψ
يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ........... مفيش فايده

ايه يا عم الكلام الجامد ده
والله جامده جدا

شكرا يا رمسيس يعنى محطه حسنى مبارك الرئيس يبخنك ياعم

جامدةةةةةةةةةةةةةةةةةةةةةة طحننننننننننننننننننننننننننننننن
متعودين على كده منك يا مصطفى
بس يا عم مش للدرجة دى

ههههههههههههههههههههههههههههههههههه
انتى فينك يا امنيه
ربنا يخليكى وشكرا لمرورك

انا هنا ومتابعة توببيكاتك الجامدة اللى انت معودنا عليها

ههههههههههههههههههههههههههه

حلو بجد التوبك ده

ده ابليس بيقولنا كفايه

شوفتوا

جود توبك يا مصطفى

ميرسى يا سوسو

ههه

ياسلااااااااااااااااااااااااااااااااااااام يا تقى على الرد بتاعك
انتى عارفه لو بأيدى اختاره احسن رد على المنتدى

ميرسي

ايه الكلام ده بجد جامد اووووووووووي واستمر

شكرا يا انوش انتى وزكى

لاشكر علي واجب يامصطفي بس بجد الموضوع حلوووووووووووووووووووو

ههههههههههههههههههههههههههه ربنا يخليكى

كلام جامد جدا يامصطفي

شكرا