بصمة عار

راجعه تمثلى عليا الطيبه ....ودور الضحيه البريئه
وعامله ملاك حنيه...وانتى هلاك الانسانيه
واللى يقرب منك يايموت..يا يعيش فى زكرى جراح مش عاديه
واقوللك ايه
دانتى بصمه عار..وهزيمه وانكسار
مش هقبلها فى حياتى
دانتى عكس الحياه..وشيطان قلبى هواه
واسواء زكرياتى
ما انتى بصمه عار..وسوء اختيار
كان سبب تعذيبى
دانتى ذنب الابرار..ودخان وبقى نار
قاد لهيبى
انتى نقطه ضعف قوتها ..دانتى خطوه يا رتنى ما مشتها
واكبر غلطه قلبى غلطها..وشوكه سقتها من حنانى
ولما قويت وعليتها
كان هزمتى هو انتصارها..وكان دمارى هو قرارها
وانهيارى اقصى طموحها
بس انا اقوى من احلامها..وقادر اخرس صوت ألمها
وفى قلبى اهدم جبال جروحها
خسارتك سهله قوى عليا..ومش مستهله دمعه عنيا
ولا لحظه حزن قلبى يعيش فيها
انا كنت عايش فاقد الوعى..كنت فى غيبه ما كانشى عندى وعى
ولما فقت لقيتك غلطه بندم عليها
بندم على انك كنتى فى يوم فى قلبى..وبندم اكتر عشان شاركتينى فى حبى
واتقال عليكى ولو ثانيه حببتى وعشت علشانك
بس خلاص قدرت اتخلص من ماضيكى..اللى كان شبح بيطاردنى كل ما افكر فيكى
واللى اصبح قتيل اصرارى بنسيانك